25 верасня ў Нацыянальнай бібліятэцы Беларусі прайшоў творчы вечар “З Беларуссю ў сэрцы: людзі, гады, жыццё” Пятра Кузьміча Краўчанкі, вядомага беларускага палітыка і дыпламата.
Мерапрыемства прымеркавана да выхаду кнігі кандыдата гістарычных навук, члена Саюза пісьменнікаў Беларусі А.Ф. Медзельцова “Пётр Краўчанка: чалавек, палітык, дыпламат”.
Пётр Кузьміч падзяліўся сваёй жыццёвай гісторыяй, распавёў аб яркіх і запамінальных момантах у яго дыпламатычнай практыцы.
Увазе гасцей была прадстаўлена выстава фотаздымкаў і рарытэтаў з прыватнай калекцыі Пятра Краўчанкі.
Матэрыял пададзены аддзелам сувязей з грамадскасцю.
