26 студзеня навучэнцы Мінскага дзяржаўнага каледжа рамесніцтва і дызайну наведалі тэматычную кніжную выставу “Халакост: без права на забыццё”, прапанаваную ў зале дакументаў міжнародных арганізацый бібліятэкі.
Наведвальнікі праслухалі кароткі аповед пра гісторыю Халакосту і яго ўроках, пазнаёміліся з дакументальнымі і мемуарнымі выданнямі, якія распавядаюць пра Халакост як адно з самых жахлівых злачынстваў нацыстаў.
З навучэнцамі таксама былі праведзены навучальныя заняткі па інфармацыйных рэсурсах аддзела абслугоўвання афіцыйнымі дакументамі, яны пазнаёміліся з падсобным фондам залы дакументаў міжнародных арганізацый, а таксама з рэсурсамі віртуальнага цэнтра па дзейнасці міжнародных арганізацый “Адкрытая інфармацыя”.
Матэрыял пададзены аддзелам абслугоўвання афіцыйнымі дакументамі.
