11 сакавіка ў рамках “Гадзіны музыкі” наведвальнікі залы нотных і аўдыявізуальных дакументаў змаглі акунуцца ў атмасферу Сярэдневякоўя.
Запісы духоўных спеваў і старадаўняй інструментальнай музыкі, цікавая прэзентацыя, падрыхтаваная супрацоўніцай бібліятэкі Святланай Масюк, дазволілі ў поўнай меры раскрыць тэму лекцыі – “Музычная культура Беларусі перыяду Вялікага Княства Літоўскага. Сярэдневякоўе”.
Выдатным дадаткам да лекцыі стала выстава ўнікальных рукапісных крукавых нот, даведнікаў па гісторыі музыкі, энцыклапедый беларускіх народных інструментаў і інш.
Запрашаем на наступную лекцыю “Музычная культура Беларусі перыяду Вялікага Княства Літоўскага. Рэнесанс”, якая пройдзе ў сераду 18 сакавіка ў 15.00 у зале нотных і аўдыявізуальных дакументаў.
Уваход вольны (пры наяўнасці чытацкага білета або пропуску сацыякультурнага цэнтра).
Тэлефон для даведак: (8 017) 293 27 52.
Матэрыял прадастаўлены аддзелам абслугоўвання спецыялізаванымі фондамі.