ГалоўнаяНавіныНавіны Нацыянальнай бібліятэкі Беларусі
Музычная культура Беларусі перыяду Вялікага Княства Літоўскага. Сярэдневякоўе
12 сакавіка 1945 года. 58 дзён да Перамогі

Асоба і спадчына Ф. Багушэвіча – у новым электронным выданні Нацыянальнай бібліятэкі Беларусі

Асоба і спадчына Ф. Багушэвіча – у новым электронным выданні Нацыянальнай бібліятэкі Беларусі
Іншыя навіны

Францішак Багушэвіч – наш гонар і наша сумленне.
У. Содаль

Набліжаецца 180-гадовы юбілей нашага вядомага паэта і публіцыста Францішка Багушэвіча. Да гэтай знамянальнай даты, якая будзе адзначацца 21 сакавіка, Нацыянальная бібліятэка падрыхтавала электронны рэсурс.

“Не пакідайце ж мовы нашай беларускай, каб не ўмёрлі!” – менавіта гэтыя вядомыя кожнаму беларусу словы з прадмовы да першага зборніка вершаў Ф. Багушэвіча “Dudka białaruskaja” паслужылі асновай для назвы. Гэта самае поўнае выданне, дзе ўпершыню ў такім аб’ёме сабраны матэрыялы пра Францішка Багушэвіча.

Bahushevich-mieniu.jpg

Кожны знойдзе ў гэтым рэсурсе тое асаблівае, што яго зацікавіць і закране: тут можна пагартаць электронныя старонкі першых прыжыццёвых выданняў паэта, паглядзець на яго вачыма мастакоў, пранікнуцца зместам лістоў і рукапісаў самога Францішка Багушэвіча, даведацца пра ўшанаванне яго памяці. У выданне ўвайшлі копіі фатаграфій паэта з фондаў Дзяржаўнага музея гісторыі беларускай літаратуры.

Listy-Bahushevicha.jpg

Беларусам трэба трэба ведаць і памятаць пра сваю спадчыну, захоўваць і збіраць яе. Наша электроннае выданне будзе карысным для шырокага кола карыстальнікаў, спатрэбіцца ў адукацыйных мэтах, зацікавіць настаўнікаў школ і каледжаў, стане дапаможнікам для студэнтаў, а таксама будзе актуальным для даследчыкаў і навукоўцаў.

Bahushevich.jpg
1-е фота – Францішак Багушэвіч. 1890-я гг.
2-е фота – Францішак Багушэвіч. 1946 г. Мастак П.А. Сергіевіч. З фондаў Дзяржаўнага літаратурнага музея Янкі Купалы

Электроннае выданне "Не пакідайце ж мовы нашай беларускай…" можна набыць па падпісцы або купіць у кіёску, размешчаным на 1-м паверсе каля галоўнага ўвахода. Рэжым работы кіёска адпавядае рэжыму работы бібліятэкі.

Давайце шанаваць і збіраць нашу спадчыну разам!

Тэлефон для даведак: (8 017) 293 27 43.

Матэрыял прадастаўлены інфармацыйна-аналітычным аддзелам.

Навіны

16 Чэр 2021

Адна з найстарэйшых і найбуйнейшых бібліятэк вышэйшых навучальных устаноў Беларусі – Фундаментальная бібліятэка БДУ – была ўключана ў структуру Праўлення гэтага ўніверсітэта 23 мая 1921 года, і менавіта гэты дзень лічыцца датай яе заснавання. Складаны, поўны перашкод шлях стварэння, выпрабаванні 1930-х гадоў, трагічныя падзеі перыяду Вялікай Айчыннай вайны, новыя ўмовы і патрабаванні апошніх дзясяцігоддзяў і сучаснага перыяду… Установа з драматычнай гісторыяй неаднойчы амаль знікала, але аднаўлялася – дзякуючы энтузіястам, аматарам кнігі. Ды ў краіне заўсёды разумелі: дзе навучанне, без бібліятэкі нікуды.

Навіны бібліятэк

“Алмаз становіцца дыяментам”: хроніка будаўніцтва Нацыянальнай бібліятэкі Беларусі, 2004 год

16 Чэр 2021

16 чэрвеня 2006 года адбылося ўрачыстае адкрыццё новага будынка Нацыянальнай бібліятэкі Беларусі. Сёння мы працягваем публікацыі па матэрыялах прэсы аб яго будаўніцтве, якое стала яркай падзеяй у гісторыі бібліятэкі, ды і ўсёй краіны.

Да 100-годдзя Нацыянальнай бібліятэкі Беларусі

Незвычайныя завяшчанні пісьменнікаў

16 Чэр 2021

Ці задумваліся вы калі-небудзь пра сваю апошнюю волю? Напэўна так, бо, як ні горка, ніхто з нас не вечны. Аднойчы прыйдзе час пакінуць гэты тленны свет, а перад гэтым паклапаціцца пра завяшчанне, каб шматлікія сябры і сваякі адразу ведалі, хто быў вашым любімчыкам. Вядомыя пісьменнікі таксама запісвалі сваю апошнюю волю – і часцяком іх інструкцыі і пажаданні былі як мінімум незвычайныя, як максімум – эксцэнтрычныя.

Аўтарскі погляд

Віртуальная чытальная зала НББ – публічным бібліятэкам Брэсцкай вобласці

15 Чэр 2021

Супрацоўнікі НББ працягваюць серыю анлайн-мерапрыемстваў для публічных бібліятэк розных рэгіёнаў нашай краіны. 15 чэрвеня адбыўся семінар, падрыхтаваны для нашых калег з Брэсцкай вобласці.

Навіны Нацыянальнай бібліятэкі Беларусі

Прэзентацыя альманаха “Казахстан – Беларусь” і сустрэча пісьменнікаў дзвюх краін

14 Чэр 2021

14 чэрвеня ў Нацыянальнай бібліятэцы прайшла прэзентацыя першага ў гісторыі казахстанска-беларускага супрацоўніцтва літаратурна-мастацкага альманаха “Казахстан – Беларусь” і адбылася сустрэча пісьменнікаў дзвюх краін.

Навіны Нацыянальнай бібліятэкі Беларусі

Бібліятэкарам
111