9 красавіка ў бібліятэцы адкрылася міжнародная навукова-практычная канферэнцыя “Музеі ў XXI стагоддзі: новыя сэнсы, новая прастора, новыя вобразы”.
Удзельнікамі двухдзённай канферэнцыі сталі музейныя спецыялісты, а таксама даследчыкі ў галіне музеялогіі і культурнай спадчыны з Беларусі, Германіі, Грузіі, Латвіі, Літвы, Польшчы, Расіі, ЗША і Украіны.
Мерапрыемства нацэлена на вырашэнне практычных пытанняў удасканалення, развіцця і эфектыўнага кіравання музеямі і музейнымі калекцыямі ва ўмовах хуткіх сацыяльных трансфармацый і пераўтварэнняў, а таксама на пошук новых тыпаў камунікацыі і дыялогу, якія музеі павінны генерыраваць у XXI стагоддзі.
Арганізатары – Міністэрства культуры Рэспублікі Беларусь у супрацоўніцтве з дзяржаўным літаратурным музеем Янкі Купалы, Нацыянальным гістарычным музеем Рэспублікі Беларусь, Нацыянальнай бібліятэкай Беларусі, фондам “Культурная спадчына і сучаснасць” (Беларусь), Беларускім камітэтам Міжнароднага савета музеяў “ICOM”, Рэспубліканскім саветам дырэктараў музеяў.
Тэлефон для даведак: (8 017) 293 28 81.
E-mail: pr@nlb.by
Матэрыял прадастаўлены аддзелам сувязей з грамадскасцю.
