У Нацыянальнай бібліятэцы Беларусі 17 верасня адбыўся Міжнародны семінар па электронных інфармацыйных рэсурсах.
Мерапрыемства было арганізавана Саветам бібліятэк Беларусі па інфармацыйным узаемадзеянні, Камітэтам па бібліятэчных фондах Беларускай бібліятэчнай асацыяцыі, Нацыянальнай бібліятэкай Беларусі і ЗАТ "КОНЭК" (Расійская Федэрацыя).
У рабоце семінара прынялі ўдзел больш за 70 чалавек: спецыялісты бібліятэк Беларусі, навуковыя супрацоўнікі, выкладчыкі і студэнты вышэйшых навучальных устаноў.
З уступным словам да ўдзельнікаў семінара звярнулася намеснік дырэктара па інфармацыйных рэсурсах Нацыянальнай бібліятэкі Беларусі Таццяна Кузьмініч. У ходзе семінара выступілі: Марцін Дзямбоўскі, прадстаўнік кампаніі "Emerald Group Publishing Ltd", Галіна Кармішэнская, прадстаўніца кампаніі "ProQuest", Алена Яроніна, кіраўнік аддзела электронных рэсурсаў падпіснога агенцтва ЗАТ «КОНЭК».
На семінары разглядаліся пытанні доступу для нацыянальнай навуковай супольнасці да баз даных кампаніі ProQuest; электронных рэсурсаў Emerald па даследаваннях у галіне менеджменту, фінансаў і эканомікі, а таксама да электронных рэсурсаў выдавецтваў Springer, Cambridge University Press, Oxford University Press; калекцыі электронных часопісаў арганізацыі эканамічнага супрацоўніцтва і развіцця OECD.
 |
 |
 |
 |
 |
