У Нацыянальнай бібліятэцы Беларусі і ў арганізацыях-партнёрах па віртуальнай чытальнай зале з 15.09.2009 г. адкрыты тэставы доступ да электроных баз даных аднаго з вядучых выдавецтваў свету Oxford University Press.
Доступ прадастаўлены да наступных баз даных:
Oxford Biblical Studies Online – доступ да электронных версій шасці асноўных оксфардскіх выданняў Бібліі (The Oxford Study Bible, New Oxford Annotated Bible (ІІІ выданне), Jewish Study Bible, Catholic Study Bible (ІІ выданне), Access Study Bible with Apocrypha, The Authorized King James Bible with Apocrypha). Уключае каментарыі і анатацыі, даведачныя матэрыялы і інтэрактыўныя гістарычныя хронікі.
Oxford Language Dictionaries Online – электронныя версіі слоўнікаў на французскай, нямецкай, іспанскай, італьянскай, рускай і кітайскай мовах. Змяшчае інфармацыю пра значэнне, вымаўленне, паходжанне звыш 600 000 слоў.
Oxford Scholarship Online – доступ да поўных тэкстаў кніг выдавецтва Oxford University Press па матэматыцы, фізіцы, біялогіі, неўралогіі, эканоміцы і фінансах, бізнесе і кіраванні, юрыдычных і палітычных навуках, гісторыі, філасофіі, псіхалогіі, сацыялогіі, рэлігіі, лінгвістыцы, літаратуры, музыцы.
Тэставы доступ ажыццяўляецца праз Віртуальную чытальную залу Нацыянальнай бібліятэкі Беларусі і прадастаўлены да 13.10.2009 г.