Кожная кніга мае сваю гісторыю, запісы на палях, свае пашкоджанні і... свой працэс аднаўлення. Ці цікава вам даведацца, колькі рэстаўруюць кнігі – адзін дзень або адзін год? Як працуе лістадалівачная машына? Якія этапы рэстаўрацыі праходзяць старадаўнія выданні, каб быць прадстаўленымі ў музеях або на паліцах бібліятэк?
“Праца рэстаўратара – працэс складаны і ў той жа час цікавы. Ён вельмі карпатлівы, патрабуе канцэнтрацыі чалавека, увагі і любові да гэтай справы”, – лічыць загадчыца сектара рэстаўрацыі Нацыянальнай бібліятэкі Беларусі Людміла Палтаран. Прапануем разам з ёй даведацца, як арганізавана рэстаўрацыя ў бібліятэцы ў сюжэце ад інфармацыйнага агенцтва “Мінск-Навіны”.
Матэрыял пададзены аддзелам сувязей з грамадскасцю.