23 верасня ўпершыню на пляцоўцы Нацыянальнай бібліятэкі адбылася міжнародная асветніцкая акцыя ў падтрымку кнігі і чытання “Літаратурны дыктант”.
У гэты дзень у 14 краінах свету адкрыліся больш за 1 200 пляцовак: аматары чытання сустрэліся, каб даведацца, наколькі добра яны памятаюць класічную рускую літаратуру. Удзельнікаў акцыі чакалі 20 пытанняў пра вядомых рускіх пісьменнікаў, любімых літаратурных герояў і стылістычныя прыёмы ў літаратуры, складзеных пры ўдзеле выкладчыкаў вышэйшых навучальных устаноў, філолагаў, пісьменнікаў і іншых кваліфікаваных спецыялістаў.
У рамках “Літаратурнага дыктанта” таксама адбыўся відэамост для пляцовак, якія ўпершыню прымаюць удзел у міжнароднай акцыі, дзе з прывітальным словам выступілі выконваючы абавязкі міністра культуры Мурманскай вобласці Цімур Даўлетшын, выконваючая абавязкі дырэктара Мурманскай дзяржаўнай абласной універсальнай навуковай бібліятэкі Марыя Зелянько, генеральны дырэктар Нацыянальнай бібліятэкі Беларусі Вадзім Гігін і прадстаўнікі бібліятэк, якія ўпершыню прымаюць удзел у акцыі.
Вадзім Гігін у сваім выступленні адзначыў, што руская мова з’яўляецца блізкай і роднай мовай не толькі для грамадзян Расійскай Федэрацыі і краін былога Савецкага Саюза, але таксама карыстаецца павагай у краінах Азіі, Афрыкі і Лацінскай Амерыкі.
Міжнародная асветніцкая акцыя праводзіцца з 2021 года па ініцыятыве Мурманскай дзяржаўнай абласной універсальнай навуковай бібліятэкі ў партнёрстве з Усерасійскай бібліятэкай замежнай літаратуры імя М.І. Рудаміно.
Матэрыял пададзены аддзелам сувязей з грамадскасцю.
