Візіт прайшоў у рамках Дзён культуры Растоўскай вобласці ў Рэспубліцы Беларусь.
У сустрэчы ўзялі ўдзел дырэктар Данской дзяржаўнай публічнай бібліятэкі Яўгенія Калеснікава, намеснік дырэктара па развіцці Ганна Жалябоўская і генеральны дырэктар Нацыянальнай бібліятэкі Беларусі Вадзім Гігін.
Бакі дамовіліся аб падпісанні пагаднення аб супрацоўніцтве паміж Нацыянальнай бібліятэкай Беларусі і Данской дзяржаўнай публічнай бібліятэкай, а таксама абмеркавалі рэалізацыю сумесных праектаў і ініцыятыў у рамках гэтага пагаднення.
Для ганаровых гасцей адбылася аглядная экскурсія па будынку бібліятэкі, падчас якой яны пазнаёміліся з гісторыяй, архітэктурай, рэсурсамі і патэнцыялам найбуйнейшага інфармацыйнага і сацыякультурнага цэнтра Беларусі.
Матэрыял пададзены аддзелам сувязей з грамадскасцю.
