23 лютага ў бібліятэцы адбылася інтэрактыўная лекцыя-канцэрт “Ад прадзедаў спакон вякоў мне засталася спадчына” з цыкла “Нацыянальная музычная спадчына Беларусі”.
У гэты вечар слухачам былі прадстаўлены як усім знаёмыя творы беларускіх кампазітараў на вершы нацыянальных паэтаў – “Люблю наш край...” (муз. М. Равенскага, сл. К. Буйло), “Спадчына” (муз. І. Лучанка, сл. Я. Купалы), “Явар і каліна” (муз. Ю. Семянякі, сл. Я. Купалы), – так і малавядомыя песні (канты) XVI–XVIII стст. у апрацоўцы кампазітара Алены Атрашкевіч.
Салісты харавой капэлы А. Апановіч, М. Кучук выканалі ўрыўкі з першай беларускай оперы “Сялянка” (муз. С. Манюшкі, сл. В. Дуніна-Марцінкевіча) і камічнай оперы “Калючая ружа” (муз. Ю. Семянякі, лібрэта А. Бачылы).
Напрыканцы вечара прагучала папуры з вядомых беларускіх песень.
Запрашаем усіх жадаючых на наступны канцэрт “Прынашэнне Маці Божай”: кананічныя тэксты праваслаўя ў музыцы беларускіх кампазітараў. Сустрэча адбудзецца 30.03.2023 у 18.30.
Тэлефон для даведак: (8 017) 293 27 52.
Матэрыял пададзены аддзелам абслугоўвання спецыялізаванымі фондамі.
