ГалоўнаяНавіныНавіны Нацыянальнай бібліятэкі Беларусі
Паэтычны фестываль памяці Міхася Стральцова
Свята мужнасці і гонару

“Культурная спадчына СНД” – у дар бібліятэцы

“Культурная спадчына СНД” – у дар бібліятэцы
Іншыя навіны

8–12 лютага на XIX Мінскай міжнароднай кніжнай выстаўцы-кірмашы была прадстаўлена маштабная экспазіцыя “Культурная спадчына СНД”.


Экспазіцыя была арганізавана Расійскім кніжным саюзам пры падтрымцы Міждзяржаўнага фонду гуманітарнага супрацоўніцтва дзяржаў – удзельніц СНД (МФГС).

Мінск стаў апошнім пунктам знаходжання перасоўнай кніжнай выстаўкі, прымеркаванай да Года гісторыка-культурнай спадчыны і да 20-годдзя ўтварэння СНД. Экспазіцыя, у якую ўвайшлі лепшыя кнігі з краін Садружнасці, ужо пабывала ў Маскве, Баку, Ерэване, Кіеве і ўсюды карысталася заслужанай увагай кнігалюбаў.

Свае кнігі для гэтай калектыўнай экспазіцыі прадставілі дзясяткі выдавецтваў з Азербайджана, Арменіі, Беларусі, Казахстана, Кыргызстана, Расіі, Таджыкістана, Туркменіі, Узбекістана і Украіны.

Выстаўка складалася з трох асноўных раздзелаў: кнігі па гісторыі і культуры краін Садружнасці; выданні па народнай творчасці і дэкаратыўна-прыкладным мастацтве; шэдэўры нацыянальных літаратур дзяржаў – удзельніц СНД.

Асаблівую цікавасць выклікаў шматтомны збор “Класіка літаратур СНД”, які выдаецца пры падтрымцы МФГС. У гэтай серыі выйшлі ў свет 24 тамы фальклору і літаратурных помнікаў народаў Садружнасці, а таксама зводны руска-англійскі том, у якім упершыню пад адной вокладкай сабраны вяршынныя творы літаратур усіх народаў краін Садружнасці.

Па традыцыі перасоўнай кніжнай выстаўкі “Культурная спадчына СНД” частка экспазіцыі 12 лютага 2012 г. была перададзена Нацыянальнай бібліятэцы Беларусі і стала выдатным падарункам да яе 90-годдзя ад Міждзяржаўнага фонду гуманітарнага супрацоўніцтва дзяржаў – удзельніц СНД і Расійскага кніжнага саюза. Атрыманыя 600 экзэмпляраў выдатных выданняў папоўняць не толькі калекцыі галоўнага інфармацыйнага цэнтра краіны, але і будуць затым перададзены ў фонды іншых бібліятэк Беларусі.

Чытайце таксама:

Навіны

30 Май 2020

1928 год. У часопiсе “Узвышша” з’яўляецца новая паэтычная публiкацыя. Над адным з вершаў стаiць прысвячэнне “Р.М.”, а гучыць верш зусiм не ў духу эпохi: гэта любоўная лiрыка…

Навіны бібліятэк

Беларускі бэстселер 1920-х: аповесць Міхася Зарэцкага “Голы звер”

28 Май 2020

Міхась Зарэцкі, паводле ягоных уласных успамінаў,распачаў свае літаратурныя спробы пасля яркага ўражання ад незвычайнага сну. Надалей, атрымліваючы ўсё болей і болей жыццёвага ды пісьменніцкага досведу, ён адтачыў сваё майстэрства на кароткай прозе. І аповесць “Голы звер” (1926) стала як бы лагічным працягам творчага і асобаснага сталення пісьменніка.

Блог прафесійнага чытача

111