22 лютага дзіцячы пакой Нацыянальнай бібліятэкі Беларусі запрашае дзяцей на святочнае мерапрыемства “Свята мужнасці і гонару”, прысвечанае Дню абаронцаў Айчыны.
Юныя наведвальнікі дзіцячага пакоя возьмуць удзел у конкурсах “Каша з сякеры”, “Ваенная авіяцыя”, “Конкурс акцёрскага майстэрства”, у якіх прадэманструюць свае веды ў вайсковай справе.
У падарунак для сваіх татаў дзеці змайструюць арыгінальныя віншавальныя паштоўкі. Разнастайнасць у свята прынясуць рухавыя гульні і займальныя віктарыны.
Ганаровым госцем свята стане дзіцячы паэт Андрэй Смятанін, які пазнаёміць дзяцей са сваімі творамі.
Заняткі праводзяцца бясплатна.
Запрашаюцца дзеці 5–8 гадоў.
Час правядзення заняткаў: 18.00–19.30.
Кантактны тэлефон: (+ 375-17) 293-25-34.