29 красавіка ў бібліятэцы ладзіцца выстаўка работ удзельнікаў VII Міжнароднага дзіцяча-юнацкага конкурсу выяўленчага мастацтва “КрасаWееk” і цырымонія ўзнагароджання пераможцаў.
Конкурс арганізаваны ў 2011 годзе Мінскім дзяржаўным мастацкім каледжам імя А.К. Глебава пры падтрымцы Міністэрства культуры Рэспублікі Беларусь з мэтай пошуку таленавітых дзяцей, раскрыцця іх творчых здольнасцей, а таксама падтрымкі юных мастакоў у іх далейшым развіцці.
Сёлета ў сувязі са святкаваннем 500-годдзя беларускага кнігадрукавання “КрасаWeek” ладзіцца па двух напрамках: конкурс работ на вольную тэму і тэму “Спадчына Францыска Скарыны”.
На цырымоніі ўзнагароджання будуць названы імёны пераможцаў у чатырох намінацыях – “Жывапіс”, “Графіка”, “Дэкаратыўна-прыкладное мастацтва” і “Скульптура” ў трох узроставых групах. Дыпломамі і прызамі адзначаць не толькі пераможцаў і лаўрэатаў, але і лепшых выкладчыкаў і навучальныя ўстановы, якія прынялі актыўны ўдзел у конкурсе.
Аўтара працы, які атрымае Гран-пры, чакае своеасаблівы падарунак – сертыфікат, які дае магчымасць бясплатнага навучання на падрыхтоўчых курсах МДМК імя А.К. Глебава.
Пачатак мерапрыемства а 12-й гадзіне ў галерэі “Лабірынт” (3-ці паверх).
Пазнаёміцца з работамі юных мастакоў можна да 11 мая 2017 года.
Дата заканчэння работы выстаўкі можа быць зменена.
Тэлефон для даведак: (8 017) 293 28 33, 266 37 37, 293 27 56.
Е-пошта: pr@nlb.by
