29–30 мая Нацыянальная бібліятэка Беларусі ўзяла ўдзел у XIV Рэспубліканскай спартакіядзе работнікаў культуры.
Спартыўнае свята прайшло ў Рэспубліканскім цэнтры алімпійскай падрыхтоўкі “Стайкі”, штогод збіраючы тых, хто працуе ў сферы культуры і сябруе са спортам.
30 каманд горада Мінска, абласных і рэспубліканскіх арганізацый, падведамасных Міністэрству культуры Рэспублікі Беларусь, змагаліся за прызавыя месцы ў асабістым і камандным першынствах у спаборніцтвах па міні-футболе, валейболе, лёгкаатлетычным кросе, настольным тэнісе, гіравым спорце, дартсе і перацягванні каната.
Як вядома, спорт фарміруе культуру здароўя, бадзёрасці і аптымізму, і каманда бібліятэкі гэта даказала, паказаўшы годны і пазітыўны вынік:
- 2-е месца ў міні-футболе,
- 5-е месца ў лёгкаатлетычным кросе: мужчыны – у забегу на 1 000 м, жанчыны – на 500 м.
Віншуем калег з выдатным вынікам, жадаем новых дасягненняў і перамог!
Матэрыял пададзены аддзелам сувязей з грамадскасцю.