ГалоўнаяНавіныНавіны Нацыянальнай бібліятэкі Беларусі
Лета з добрай кнігай
Падказка для бібліяфілаў

“Каб не страціць свае карані і не стаць манкуртам”: прэзентавана кніга Міколы Маляўкі

“Каб не страціць свае карані і не стаць манкуртам”: прэзентавана кніга Міколы Маляўкі
Іншыя навіны

29 мая ў бібліятэцы адбылася прэзентацыя кнігі Міколы Маляўкі “Спадчына, або Каб не стаць манкуртам. Абразкі з жыцця нашых продкаў”.

Страціць гістарычную спадчыну і забыць адкуль твой род – значыць, страціць частку сябе, стаць абязлічаным чалавекам без мінулага. Таму ў наш імклівы і зменлівы век асабліва важкае значэнне набывае захаванне нацыянальнай спадчыны на ўзроўні разумення і ведання сваіх традыцый.

У Год малой радзімы ў выдавецтве “Народная асвета” выйшла цудоўнае выданне для дзяцей і бацькоў, якое ў даступнай форме знаёміць з традыцыйным побытам нашых продкаў ва ўсіх яго аспектах: жыллё, прылады працы, адзенне, гульні, святы і многае-многае іншае. Кніга “Спадчына” Міколы Маляўкі пад адзінай вокладкай спалучыла гісторыю, быт і культуру продкаў беларусаў.

Аўтар падрыхтаваў для чытачоў цікавыя заданні: трэба знайсці адказы на пытанні і разгадаць загадкі. А яшчэ ў кнізе змешчана шмат займальных гісторый, народныя прыкметы, прыказкі і прымаўкі, вершы, мноства малюнкаў і фотаздымкаў.

У прэзентацыі ўзялі ўдзел аўтар кнігі Мікалай Маляўка, дэкан факультэта пачатковай адукацыі Беларускага дзяржаўнага педагагічнага ўніверсітэта імя Максіма Танка Наталля Ждановіч, дырэктар Музея старажытнабеларускай культуры НАН Беларусі Барыс Лазука, пісьменнікі Мікола Чарняўскі і Яўген Хвалей, генеральны дырэктар ААТ “Белкніга” Аляксандр Вашкевіч.

Правялі сустрэчу вядучыя радыёстанцыі “Беларусь” Павел Лазовік і Таццяна Гаргалык. З беларускай песеннай спадчынай гасцей пазнаёмілі ўдзельнікі фальклорнага калектыву “Явар” сярэдняй школы №159 г. Мінска.

Напрыканцы мерапрыемства дырэктар выдавецтва “Народная асвета” Вікторыя Калістратава перадала ў дар Нацыянальнай бібліятэцы Беларусі экзэмпляр выдання “Спадчына, або Каб не стаць манкуртам. Абразкі з жыцця нашых продкаў”. Першы намеснік дырэктара Нацыянальнай бібліятэкі Беларусі Алена Даўгаполава падзякавала за каштоўную кнігу, якая, несумненна, стане не проста добрым навучальным дапаможнікам для падрастаючага пакалення, але і захапляльным падарожжам па гісторыі роднага краю.

Навіны

16 Чэр 2021

Адна з найстарэйшых і найбуйнейшых бібліятэк вышэйшых навучальных устаноў Беларусі – Фундаментальная бібліятэка БДУ – была ўключана ў структуру Праўлення гэтага ўніверсітэта 23 мая 1921 года, і менавіта гэты дзень лічыцца датай яе заснавання. Складаны, поўны перашкод шлях стварэння, выпрабаванні 1930-х гадоў, трагічныя падзеі перыяду Вялікай Айчыннай вайны, новыя ўмовы і патрабаванні апошніх дзясяцігоддзяў і сучаснага перыяду… Установа з драматычнай гісторыяй неаднойчы амаль знікала, але аднаўлялася – дзякуючы энтузіястам, аматарам кнігі. Ды ў краіне заўсёды разумелі: дзе навучанне, без бібліятэкі нікуды.

Навіны бібліятэк

“Алмаз становіцца дыяментам”: хроніка будаўніцтва Нацыянальнай бібліятэкі Беларусі, 2004 год

16 Чэр 2021

16 чэрвеня 2006 года адбылося ўрачыстае адкрыццё новага будынка Нацыянальнай бібліятэкі Беларусі. Сёння мы працягваем публікацыі па матэрыялах прэсы аб яго будаўніцтве, якое стала яркай падзеяй у гісторыі бібліятэкі, ды і ўсёй краіны.

Да 100-годдзя Нацыянальнай бібліятэкі Беларусі

Незвычайныя завяшчанні пісьменнікаў

16 Чэр 2021

Ці задумваліся вы калі-небудзь пра сваю апошнюю волю? Напэўна так, бо, як ні горка, ніхто з нас не вечны. Аднойчы прыйдзе час пакінуць гэты тленны свет, а перад гэтым паклапаціцца пра завяшчанне, каб шматлікія сябры і сваякі адразу ведалі, хто быў вашым любімчыкам. Вядомыя пісьменнікі таксама запісвалі сваю апошнюю волю – і часцяком іх інструкцыі і пажаданні былі як мінімум незвычайныя, як максімум – эксцэнтрычныя.

Аўтарскі погляд

Віртуальная чытальная зала НББ – публічным бібліятэкам Брэсцкай вобласці

15 Чэр 2021

Супрацоўнікі НББ працягваюць серыю анлайн-мерапрыемстваў для публічных бібліятэк розных рэгіёнаў нашай краіны. 15 чэрвеня адбыўся семінар, падрыхтаваны для нашых калег з Брэсцкай вобласці.

Навіны Нацыянальнай бібліятэкі Беларусі

Прэзентацыя альманаха “Казахстан – Беларусь” і сустрэча пісьменнікаў дзвюх краін

14 Чэр 2021

14 чэрвеня ў Нацыянальнай бібліятэцы прайшла прэзентацыя першага ў гісторыі казахстанска-беларускага супрацоўніцтва літаратурна-мастацкага альманаха “Казахстан – Беларусь” і адбылася сустрэча пісьменнікаў дзвюх краін.

Навіны Нацыянальнай бібліятэкі Беларусі

Бібліятэкарам
111