ГалоўнаяНавіныНавіны Нацыянальнай бібліятэкі Беларусі
Юбілейны 2017-ты: святло скарынаўскага слова зазіхацела ярчэй!
Асоба Францыска Скарыны стала адным з сімвалаў Беларусі

“Каб ідэі жылі вечна!”: прэзентацыя восьмай кнігі праекта “Спадчына права”

“Каб ідэі жылі вечна!”: прэзентацыя восьмай кнігі праекта “Спадчына права”
Іншыя навіны

20 снежня дырэктар Нацыянальнай бібліятэкі Беларусі Раман Матульскі ўзяў удзел у прэзентацыі кнігі “Белорусские мыслители XVI–XVII вв. Избранные труды”.


Выданне, прымеркаванае да 500-годдзя беларускага кнігадрукавання, пабачыла свет у рамках праекта “Спадчына права”, ініцыятарам якога з’яўляецца Нацыянальны цэнтр заканадаўства і прававых даследаванняў.

Кнігі з працамі беларускіх мысліцеляў выходзяць штогод: гэта ўжо восьмае выданне, якое дазваляе вывучаць асновы беларускай дзяржаўнасці і гісторыю айчыннай юрыдычнай навукі. Азнаёміцца з электроннай версіяй сямі папярэдніх кніг можна на Нацыянальным прававым інтэрнэт-партале, які неўзабаве папоўніцца тэкстамі восьмага выдання.

Нацыянальная бібліятэка Беларусі выступае ў якасці суарганізатара па рэалізацыі значнага праекта. Дырэктар Нацыянальнай бібліятэкі Беларусі Раман Матульскі ў сваім выступленні адзначыў важнасць захавання і аднаўлення інтэлектуальнай спадчыны краіны, якое з’яўляецца падмуркам і залогам паспяховага развіцця грамадства, дзяржавы і права.

У прэзентацыі ўзялі ўдзел намеснік старшыні Беларускага рэспубліканскага саюза юрыстаў Віктар Камянкоў, дырэктар Нацыянальнага цэнтра заканадаўства і прававых даследаванняў Вадзім Іпатаў, дырэктар Нацыянальнага цэнтра прававой інфармацыі Яўген Каваленка, генеральны дырэктар ТАА “ЮрСпектр” Алег Сламянец.

У ходзе рабочага пасяджэння арганізацыі – удзельніцы праекта падпісалі пагадненне аб далейшым супрацоўніцтве. Так што дзявятаму выданню – быць!

Навіны

Унікальная магчымасць публікацыі ў часопісах адкрытага доступу для аўтараў навуковых прац з Беларусі

20 Кра 2021

19 красавіка ў Нацыянальнай бібліятэцы Беларусі пры падтрымцы Міжнароднага кансорцыума бібліятэк EIFL і выдавецтва Wiley адбыўся вэбінар, прысвечаны публікацыі навуковых артыкулаў у міжнародных часопісах у рэжыме адкрытага доступу (Open Access).

Навіны Нацыянальнай бібліятэкі Беларусі

Да 125-годдзя з дня нараджэння вядомага беларускага бібліёграфа Адама Антонавіча Сакольчыка

19 Кра 2021

У гісторыі станаўлення і развіцця Нацыянальнай бібліятэкі Беларусі шмат асоб, чый прафесійны ўнёсак у развіццё бібліятэчнай галіны складана пераацаніць. Сярод іх – Адам Антонавіч Сакольчык – спецыяліст з вялікай літары, таленавіты педагог і вядомы беларускі бібліёграф, чалавек з вельмі няпростым і цікавым лёсам.

Партрэты: гісторыя бібліятэкі ў асобах

“Цікава пачытаць”: кніга “Фінансавыя казкі для дзяцей”

19 Кра 2021

17 красавіка ў дзіцячым пакоі на занятках з серыі “Цікава пачытаць” наведвальнікі разам з персанажамі кнігі Я. Фраловай “Фінансавыя казкі для дзяцей” займальна навучаліся фінансавай грамаце.

Навіны Нацыянальнай бібліятэкі Беларусі

Заняткі ў межах конкурсу “Малады беларускі экслібрыс”

19 Кра 2021

17 красавіка адбыліся першыя заняткі ў межах конкурсу “Малады беларускі экслібрыс” з мэтай падрыхтоўкі юных мастакоў да стварэння кніжных знакаў, прысвечаных 100-годдзю Нацыянальнай бібліятэкі Беларусі і 15-годдзю музея кнігі.

Навіны Нацыянальнай бібліятэкі Беларусі

Цікавыя матэрыялы пра Змітрака Бядулю з Крайскай школы

19 Кра 2021

Нацыянальная бібліятэка працягвае знаёміць карыстальнікаў з новымі матэрыяламі праекта “На хвалі часу, у плыні жыцця”. Зараз ідзе падрыхтоўка чарговага віртуальнага раздзела, прысвечанага Змітраку Бядулю – слыннаму беларускаму пісьменніку, сябру літаб’яднання “Маладняк”. У красавіку будзе адзначацца 135-годдзе з дня яго нараджэння.

Да 100-годдзя літаб'яднання "Маладняк"

Бібліятэкарам
111