ГалоўнаяНавіныНавіны Нацыянальнай бібліятэкі Беларусі
“Каб ідэі жылі вечна!”: прэзентацыя восьмай кнігі праекта “Спадчына права”
Кніжныя помнікі ў бібліятэцы і музеі: спецыфіка захавання і выкарыстання

Асоба Францыска Скарыны стала адным з сімвалаў Беларусі

Асоба Францыска Скарыны стала адным з сімвалаў Беларусі
Іншыя навіны

Аб гэтым паведаміў, падводзячы вынікі юбілейнага года на прэс-канферэнцыі ў прэс-цэнтры БелТА, намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці, навуковы рэдактар энцыклапедыі "Францыск Скарына" Аляксандр Суша.


Па словах вучонага, шырока праведзеныя мерапрыемствы з нагоды святкавання 500-годдзя беларускага кнігадрукавання зрабілі асобу беларускага першадрукара яшчэ больш вядомай у свеце. Вялікая роля, у тым ліку ў папулярызацыі інфармацыі пра Францыска Скарыну, належыць кніжным праектам, якія ўбачылі свет у апошнія гады. Адным з такіх выданняў стала персанальная энцыклапедыя "Францыск Скарына", якая падсумоўвае ўсю папярэднюю працу.

Энцыклапедыя выйшла ў выдавецтве "Беларуская энцыклапедыя імя Петруся Броўкі". Над ёй працавалі каля 150 аўтараў, выданне змяшчае больш за 1 тыс. артыкулаў, каля 500 фотаздымкаў. Па словах кандыдата культуралогіі Аляксандра Сушы, у энцыклапедыю ўвайшлі некаторыя артыкулы з даведніка пра Скарыну, выдадзенага 30 гадоў таму, аднак галоўным чынам гэтая кніга напісана нанова.

Як дадаў першы намеснік дырэктара Цэнтра даследаванняў беларускай культуры, мовы і літаратуры НАН Беларусі, акадэмік, член рэдакцыйнай калегіі энцыклапедыі "Францыск Скарына" Аляксандр Лукашанец, гэта навукова-папулярнае выданне пра асобу Скарыны, яго дзейнасць і творчую спадчыну пашырае культурна-інфармацыйнае поле сучаснага грамадства за кошт нацыянальнага складніка.

Энцыклапедыя раскрывае шматгранны жыццёвы і творчы шлях Францыска Скарыны, аналізуе ўсе яго кнігі, іх змест, умовы падрыхтоўкі і мастацкае афармленне, распавядае пра краіны і гарады, з якімі быў звязаны беларускі асветнік, змяшчае біяграфіі людзей, з якімі ён быў звязаны пры жыцці або якія аказалі ўплыў на яго кнігавыдавецкую дзейнасць, а таксама паслядоўнікаў першадрукара. У выданні раскрываецца вобраз Францыска Скарыны ў беларускім кіно- і тэатральным мастацтве, жывапісе, літаратуры.

Першы намеснік міністра інфармацыі Рэспублікі Беларусь Ігар Луцкі адзначыў, што тыраж выдання невялікі і ўжо сёння ёсць планы па прадстаўленні яго ў электронным выглядзе. Выдавецтву "Беларуская энцыклапедыя імя Петруся Броўкі" прапанавана заняцца пошукам варыянту для рэалізацыі такой магчымасці. Да працы над такім праектам плануецца прыцягнуць прыватныя арганізацыі, якія займаюцца распрацоўкай сайтаў. Чакаецца, што электронная энцыклапедыя пра Францыска Скарыну стане прыкладам дзяржаўна-прыватнага партнёрства.

Кніга выйшла на беларускай мове. А вось у электронным праекце з’явяцца матэрыялы на англійскай і іншых мовах. Больш за тое, ідзе гаворка і аб перакладзе некаторых артыкулаў на хіндзі. "Пераклад літаратуры – лепшы шлях папулярызацыі беларускай культуры за межамі нашай краіны", – лічыць Алесь Суша.

Тэма 500-годдзя беларускага кнігадрукавання знайшла шырокае адлюстраванне ў значных культурна-інфармацыйных праектах 2017 года. Адным з іх стала шматтомнае факсімільнае выданне "Кніжная спадчына Францыска Скарыны", падрыхтаванае Нацыянальнай бібліятэкай Беларусі пры падтрымцы банка БелВЭБ. Факсіміле прац Скарыны перададзена ў дар больш чым 30 бібліятэкам розных краін. Выданні "Скарыніяны" прадстаўлялі на міжнародных кніжных і нацыянальных выстаўках у Расіі, Казахстане, Літве, Чэхіі, Сербіі, Францыі, Германіі, Кітаі.

Па матэрыялах БелТА

Чытайце таксама:

Навіны

BelBookChallenge падаўжаецца да 6 сакавіка

18 Сту 2021

BelBookChallenge набірае абароты, а вы ніяк не можаце за ім угнацца?
Па шматлікіх просьбах удзельнікаў BelBookChallenge падаўжаецца яшчэ на месяц – да 6 сакавіка ўключна. Выдатны шанец нагнаць упушчанае або нават пачаць чэлендж! Чым не выклік самому сабе?

Блог прафесійнага чытача

Віртуальная прэзентацыя літаратурнай спадчыны Андрэя Александровіча

18 Сту 2021

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Да 100-годдзя літаб'яднання "Маладняк"

Вялікі талент, вялікая работа, вялікае сэрца

18 Сту 2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

Кніжныя выстаўкі

Выстава “З кніг Уладзіміра Караткевіча” працуе да канца студзеня

19 Сту 2021

Скарыстайцеся магчымасцю і наведайце незвычайную выставу, прысвечаную 90-годдзю з дня нараджэння Уладзіміра Караткевіча, якая дзейнічае ў музеі кнігі Нацыянальнай бібліятэкі Беларусі.

Навіны Нацыянальнай бібліятэкі Беларусі

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Бібліятэкарам
111