ГалоўнаяНавіныНавіны Нацыянальнай бібліятэкі Беларусі
“Кніга ператварэнняў” для “кніжных прафесараў”
“Каб ідэі жылі вечна!”: прэзентацыя восьмай кнігі праекта “Спадчына права”

Юбілейны 2017-ты: святло скарынаўскага слова зазіхацела ярчэй!

Юбілейны 2017-ты: святло скарынаўскага слова зазіхацела ярчэй!
Іншыя навіны

21 снежня ў Нацыянальнай бібліятэцы Беларусі прайшло выніковае ўрачыстае мерапрыемства “Святло Скарыны”, прысвечанае 500-годдзю беларускага кнігадрукавання.


2017 год, апошнія старонкі якога ў хуткім часе мы перагорнем, быў асабліва насычаным юбілейнымі датамі і яркімі момантамі. Знакавай падзеяй, за якой сачыла ўся краіна, стала святкаванне 500-годдзя беларускага кнігадрукавання. З нагоды юбілею ў Беларусі і далёка за яе межамі прайшло мноства святочных мерапрыемстваў, імпрэз, прэзентацый, навуковых канферэнцый, былі здзейснены маштабныя міжнародныя выдавецкія і выставачныя праекты, зняты кінастужкі і створаны тэатральныя пастаноўкі.

Згадаем – міжнародны сімпозіум літаратараў, што прайшоў у межах Мінскай міжнароднай кніжнай выстаўкі-кірмашу, прэм’ера фільма “Скарына” рэжысёра Аляксея Раковіча, Дзень беларускага пісьменства ў Полацку, міжнародны выдавецкі праект па факсімільным узнаўленні кніжнай спадчыны Францыска Скарыны і безліч іншых. За кожнай з гэтых падзей – самаадданая праца дзяржаўных дзеячаў, вучоных і цэлых творчых калектываў.

Вечар “Святло Скарыны” сабраў у Нацыянальнай бібліятэцы ўсіх, хто прымаў удзел у арганізацыі юбілейных мерапрыемстваў, каб падвесці вынікі і выказаць удзячнасць за правядзенне свята на вышэйшым узроўні.

Прысутных прывіталі міністр інфармацыі Рэспублікі Беларусь Аляксандр Карлюкевіч, начальнік упраўлення ўстаноў культуры і народнай творчасці Міністэрства культуры Рэспублікі Беларусь Наталля Задзяркоўская, дырэктар Нацыянальнай бібліятэкі Беларусі Раман Матульскі.

Падчас мерапрыемства прайшла ўрачыстая цырымонія ўзнагароджання кіраўнікоў і супрацоўнікаў устаноў, арганізацый і прадпрыемстваў, якія ўнеслі важкі ўклад у святкаванне знакавага юбілею.

За актыўны ўдзел у падрыхтоўцы і правядзенні мерапрыемстваў, прысвечаных 500-годдзю беларускага кнігадрукавання, дыпломамі ўзнагародзілі сустаршынь аргкамітэта па падрыхтоўцы і правядзенні святкавання Лілію Ананіч і Барыса Святлова.

Дыпломы таксама ўручылі дырэктару Нацыянальнай бібліятэкі Беларусі Раману Матульскаму, дырэктару Рэспубліканскага тэатра беларускай драматургіі Уладзіміру Карачэўскаму, старшыні Беларускага саюза мастакоў Рыгору Сітніцы, дырэктару Цэнтра даследаванняў беларускай культуры, мовы і літаратуры НАН Беларусі Аляксандру Лукашанцу, галоўнаму дырэктару галоўнай дырэкцыі тэлеканала “Беларусь-3” Наталлі Марынавай і іншым.

За стварэнне кніг, прысвечаных Францыску Скарыне і гісторыі беларускага кнігfдрукавання, дыпломамі адзначана работа Саюза пісьменнікаў Беларусі, калектываў “Белкнігі” і “Віцебскаблсаюздруку”, выдавецтваў “Беларуская энцыклапедыя імя Петруся Броўкі”, “Мастацкая літаратура”, “Беларусь”, “Народная асвета” і Выдавецкага дома “Звязда”.

Узнагароды таксама атрымалі Беларуская дзяржаўная акадэмія мастацтваў, калектыў Нацыянальнага полацкага гісторыка-культурнага музея-запаведніка, пасольствы Рэспублікі Беларусь у Расіі, Польшчы, Чэхіі, Францыі, Літве, а таксама асобы, якія прынялі актыўны ўдзел у святкаванні юбілею.

Падарункам для гасцей сталі меладычныя спевы вакальнай групы “Чысты голас” і мастацкія творы ў выкананні пераможцы рэспубліканскага конкурсу юных чытальнікаў “Жывая класіка” Дар’і Раўтовіч і артысткі Тамары Нікалаевай-Апіёк.

Юбілейныя мерапрыемствы падышлі да завяршэння: падарункі ўручаны, падзякі выказаны, пагасла святло святочных пляцовак. І засталося ад усяго, што здзейснена, штосьці важкае і вечнае – святло скарынаўскага слова, якое зазіхацела яшчэ ярчэй!

Навіны

Знаёмыя і малавядомыя старонкі творчасці Агінскага

15 Ліс 2019

Дзяржаўны дзеяч, палітык, дыпламат і кампазітар. Міхал Клеафас Агінскі – імя, якое ведае кожны, а яго паланэз “Развітанне з Радзімай” з’яўляецца найбольш вядомым музычным творам. Аднак не многія ведаюць, што кампазітарам было напісана больш за 70 твораў, сярод якіх оперы, вальсы і мазуркі.

Навіны Нацыянальнай бібліятэкі Беларусі

Нацыянальная бібліятэка Беларусі на адной з галоўных у свеце дыскусійных пляцовак

15 Ліс 2019

Дырэктар Нацыянальнай бібліятэкі Беларусі Раман Матульскі прыняў удзел у рабоце VIII Санкт-Пецярбургскага міжнароднага культурнага форуму, які праходзіць з 14 па 16 лістапада 2019 г. i прысвечаны тэме культурных кодаў ва ўмовах глабалізацыі. Штогод Форум прыцягвае тысячы экспертаў і гасцей з усяго свету.

Навіны Нацыянальнай бібліятэкі Беларусі

Супрацоўнікі бібліятэкі сустрэліся з кіраўніком адміністрацыі Першамайскага раёна

14 Ліс 2019

14 лістапада ў Нацыянальнай бібліятэцы Беларусі прайшла сустрэча працоўнага калектыву з кіраўніком адміністрацыі Першамайскага раёна Ігарам Кудрэвічам.

Навіны Нацыянальнай бібліятэкі Беларусі

XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі”

14 Ліс 2019

У Аб’яднаным інстытуце праблем інфарматыкі НАН Беларусі 21 лістапада 2019 года пройдзе XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі (РІНТІ–2019)”.

Навіны бібліятэк

Валерый Славук прапануе чытаць Макса Фрая

14 Ліс 2019

У лістападзе прыхільнікаў графікі і ў прыватнасці творчасці Валерыя Славука парадавала з’яўленне новай серыі кніг – “Палац мастацтва” (і гэта невыпадкова, бо ўсе мастакі, творчасць якіх будзе адлюстравана на яе старонках, неаднаразова выстаўляліся ў галоўным храме мастацтва Беларусі).

Аўтарскі погляд

111