26 красавіка ў бібліятэцы ладзіцца прэзентацыя кнігі “Франко-прусская война 1870–1871 годов. Событие, определившее ход истории”.
Франка-пруская вайна – ключавая падзея гісторыі Еўропы другой паловы XIX стагоддзя. Яе вынікі сталі пралогам Першай сусветнай вайны і яшчэ больш жудаснай і маштабнай Другой сусветнай. Такім чынам, Франка-пруская вайна 1870–1871 гг. фактычна вызначыла далейшы ход гісторыі Еўропы.
Разам з тым у сусветнай гістарыяграфіі круг выданняў, прысвечаных гэтай тэме, вельмі абмежаваны. Кніга “Франко-прусская война 1870–1871 годов. Событие, определившее ход истории” раскрывае гістарычныя падрабязнасці ваеннага канфлікту паміж Францыяй і Прусіяй. У выданні прадстаўлена інфармацыя аб развіцці Еўропы з часоў Венскага кангрэса (1814–1815 гг.), ходзе аб’яднання Італіі і Германіі ў адзіныя цэнтралізаваныя дзяржавы, аналізуюцца наступствы Франка-прускай вайны для еўрапейскага кантынента, даюцца характарыстыкі асноўным дзеючым асобам той эпохі (Напалеон III, Цьер, Гамбета, Фаўр, Вільгельм I, Бісмарк і інш.).
Аўтар выдання, кандыдат эканамічных навук Аляксей Бабіна пры напісанні кнігі выкарыстаў вялікі масіў малавядомых крыніц і матэрыялаў. Выданне ўяўляе цікавасць як для спецыялістаў у галіне гісторыі, міжнародных адносін, паліталогіі, так і для больш шырокага кола чытачоў.
Мерапрыемства пачнецца а 17 гадзіне ў зале адукацыйных тэхналогій (пам. 346).
Тэлефоны для даведак: (8 017) 293 79 80, 293 27 56, 266 37 37.
Е-mail: pr@nlb.by