22 снежня ў Музеі-фабрыцы ёлачных цацак у ГЦ “Галерэя-Мінск” адбылося мерапрыемства пад дэвізам “Ганарыся рэчамі Айчыны”, прымеркаванае да Года малой радзімы.
У рамках мерапрыемства прайшла прэзентацыя кнігі-альбома “Палацава-паркавыя ансамблі Беларусі і свету”, падрыхтаванай Нацыянальным гісторыка-культурным музеем-запаведнікам “Нясвіж”.
Намеснік дырэктара Нацыянальнай бібліятэкі Беларусі Аляксандр Суша прэзентаваў праект факсімільнага ўзнаўлення першага ў свеце “Буквара”, а таксама павіншаваў першага намесніка дырэктара музея-запаведніка “Нясвіж” Наталлю Жарко з выданнем новай кнігі і перадаў у дар установе факсіміле 400-гадовага “Буквара”.
Напрыканцы мерапрыемства гасцей чакаў займальны майстар-клас па роспісе ёлачных шароў для навагодняй дабрачыннай акцыі “Нашы дзеці” ў рамках Года малой радзімы.
Матэрыял прадастаўлены аддзелам сувязей з грамадскасцю.
