24 красавіка ў рамках конкурсу “Малады беларускі экслібрыс” у бібліятэцы адбыліся заняткі для дзяцей і бацькоў. Экспертам сустрэчы выступіла мастачка, кніжны графік Вера Ягоўдзік.
Экслібрыс з’яўляецца адначасова кнігаўладальніцкім знакам і творам мастацтва – графічнай мініяцюрай. На занятках удзельнікам пашанцавала: яны не толькі даведаліся шмат цікавага пра яго, але і атрымалі кансультацыі прафесіянала па стварэнні конкурснай работы.
Юныя мастакі выдумлялі сюжэты, ідэі і малявалі эскізы экслібрысаў, прысвечаных 100-годдзю Нацыянальнай бібліятэкі і 15-годдзю музея кнігі, перадаючы конкурсную тэму лаканічнымі сродкамі ў малым фармаце.
Ствараючы свой уласны арыгінальны твор, дзеці развіваюць творчае мысленне, зрокавую памяць, дакладнасць і акуратнасць.
Матэрыял пададзены навукова-даследчым аддзелам кнігазнаўства.
Чытайце таксама: