Запрашаем да ўдзелу ў конкурсе “Малады беларускі экслібрыс”, прымеркаваным да 100-годдзя Нацыянальнай бібліятэкі Беларусі і 15-годдзя музея кнігі.
Конкурсныя работы – экслібрысы.
Тэматычныя катэгорыі:
1. Экслібрыс Нацыянальнай бібліятэкі Беларусі.
2. Экслібрыс музея кнігі Нацыянальнай бібліятэкі Беларусі.
Умовы конкурсу:
1. Узрост удзельнікаў: 6–16 гадоў.
2. Кожны ўдзельнік можа прадставіць максімум дзве конкурсныя работы ў кожнай катэгорыі.
3. Конкурсныя работы павінны адпавядаць тэматыцы конкурсу (100-годдзе Нацыянальнай бібліятэкі Беларусі і 15-годдзе музея кнігі). Выяўленчая форма вызначаецца названай тэмай, таму шукайце элементы, якія яе характарызуюць.
4. Экслібрысы, акрамя выявы, павінны абавязкова змяшчаць словы: “экслібрыс” (варыянты: “ex libris”, “exlibris”, “з кніг”), а таксама “Нацыянальная бібліятэка Беларусі” або “музей кнігі”.
5. Кампаненты тэксту трэба ўмела злучыць з часткай выявы і разам стварыць кампазіцыю экслібрыса. Важна выбраць шрыфт, ён павінен быць разборлівым, але пры гэтым адпавядаць агульнаму мастацкаму вобразу.
6. Да разгляду прымаюцца экслібрысы, выкананыя ў тэхніках друкаванай графікі, а таксама тушшу, маркерамі, гелевымі ручкамі, каляровымі алоўкамі.
7. Конкурсныя творы не павінны перавышаць памер 15 х 15 см.
8. Прымаюцца толькі арыгінальныя працы. Электронныя копіі і ксеракопіі не будуць ацэньвацца.
9. Усе дасланыя творы павінны быць падпісаны на адвароце: поўнае імя аўтара, узрост, горад пражывання, школа або мастацкая студыя.
10. Дасылаць або прывозіць конкурсныя творы трэба на адрас: музей кнігі Нацыянальнай бібліятэкі Беларусі, пр-т Незалежнасці, 116, г. Мінск, 220114. Тэлефоны для сувязі: (8 017) 293 27 82, (8 017) 293 27 22, (8 044) 579 39 07.
11. Прадстаўленыя конкурсныя творы застаюцца ўласнасцю арганізатараў разам з правам выстаўляць іх, выкарыстоўваць для друку і дэманстрацыі ў электронным выглядзе.
12. Конкурсныя работы прымаюцца да 21 мая 2021 г.
13. Журы адбярэ найлепшыя працы і 1 чэрвеня 2021 г. агучыць пераможцаў.
Творы пераможцаў будуць прадстаўлены на выставе ў музеі кнігі (пам. 347).
Пракансультуйцеся са сваімі настаўнікамі і бацькамі. Прыходзьце ў Нацыянальную бібліятэку і яе музей кнігі і натхняйцеся. Абапірайцеся на ўласную фантазію і свой непаўторны погляд на свет. Мы будзем з нецярпеннем чакаць вашыя працы!
Дадаткова інфармуем:
17 і 24 красавіка 2021 г. а 15-й гадзіне запрашаем на музейныя заняткі “Экслібрыс”, на якіх удзельнікі пазнаёмяцца з прасторай бібліятэкі і музеем кнігі, убачаць гістарычныя экслібрысы і каталогі экслібрысаў. Заняткі дапамогуць натхніцца на стварэнне конкурснага твора.
Кошт заняткаў: 4.50 руб.
Тэлефоны для запісу: (8 017) 293 27 82, (8 044) 579 39 07.
Матэрыял падрыхтаваны навукова-даследчым аддзелам кнігазнаўства.