22 верасня ў "Клубе кніжных прафесараў" адбыліся асаблівыя заняткі. Яны заўсёды незвычайныя, але гэтыя былі сапраўды непаўторныя!
Па-першае, яны былі арганізаваны на ўнікальнай выстаўцы "Беларусь і Біблія". А па-другое, сам даследчык старажытных манускрыптаў з ЗША, дырэктар арганізацыі “Група даследавання рукапісаў” Скот Кэрал сустрэўся з маленькімі "прафесарамі" і правёў экскурсію ў музеі кнігі!
Удзельнікі заняткаў атрымалі ўнікальную магчымасць – раскруціць старажытны сувой і дакрануцца да пергаменту! Арганізатары выстакі ўпэўнены, што ў музеі важна не толькі слухаць і бачыць, а таксама дакранацца. Таму арыгінал быў адмыслова выдзелены і падрыхтаваны для пазнавальных заняткаў. Сувоем захапіліся і дзеткі, і бацькі. Было вельмі ўражліва!
Выстаўка "Беларусь і Біблія" мае творчую зону, у ёй бяруць актыўны ўдзел не толькі дзеткі, а таксама дарослыя. Удзельнікі "Клуба кніжных прафесараў" “плавалі” ў каўчэгу з Ноем і жывёлкамі, пісалі пяром рукапісы, друкавалі старонкі з Бібліі Францыска Скарыны, складвалі пазлы і малявалі.