11 верасня адбылася вечарына, прысвечаная дзейнасці вядомага даследчыка-летапісца беларускіх шляхецкіх родаў А.В. Сцяцкевіча-Чабаганава, пад час якой аўтарам былі перададзены 150 экзэмпляраў кнігі “Я – сын Ваш : Казановичи герба “Гржимала”.
У ёй узялі ўдзел намеснік міністра культуры Рэспублікі Беларусь Т.І. Стружэцкі, дырэктар Нацыянальнай бібліятэкі Бібіліятэкі Р.С. Матульскі, старшыня Міжнароднага фонду “Сям’я. Яднанне. Бацькаўшчына”, член выдавецкага Савета Рускай праваслаўнай царквы У.У. Грозаў, акадэмік НАН Беларусі, пісьменнік і літаратуразнаўца У.В. Гніламёдаў, пісьменнік, галоўны рэдактар часопіса “Полымя” М.М. Мятліцкі і іншыя прадстаўнікі айчыннай навукі, культуры, адукацыі.
У межах мерапрыемства былі прэзентаваны выданні:
- Сцяцкевіч-Чабаганаў А.В. Я – сын Ваш : Статкевічы, Сацкевічы-Статкевічы герба “Касцеша” : Карафа-Корбуты герба “Корчак”. –Мінск, 2011.
- Стецкевич-Чебоганов А.В. Я – сын Ваш : Стецкевичи, Сацкевичи-Стецкевичи герба “Костеша” : Карафа-Корбуты герба “Корчак”. –Мінск, 2011.
- Стецкевич-Чебоганов А.В. Я – сын Ваш : Некрашевичи герба “Любич” : Татуры герба “Донброва” : Севруки герба “Курч” : Керножицкие герба “Юноша” : Мостиловичи герба “Доленга”. –Мінск, 2012.
- Стецкевич-Чебоганов А.В. Я – сын Ваш : Казановичи герба “Гржимала”. – Мінск, 2012.
У фонды НББ было перададзена на працягу 2012 г. больш за 300 асобнікаў першых трох выданняў, большая частка іх ужо размеркавана па бібліятэках нашай краіны.
Пад час мерапрыемства А.В. Сцяцкевіч-Чабаганаў падараваў 150 экзэмпляраў чацвёртай кнігі і запэўніў прысутных, што гэта толькі пачатак вялікай серыі даследаванняў вядомых беларускіх родаў, праз якія можна прасачыць гісторыю нашай айчыны.
Абылося таксама ўрачыстае падпісанне аўтарскага дагавору аб праве выкарыстання твораў А.В. Сцяцкевіча-Чабаганава ў электронным выглядзе і прадастаўлення іх ў электронную бібліятэку НББ.