14 чэрвеня з пляцоўкі, якая прылягае да будынка Нацыянальнай бібліятэкі Беларусі, стартаваў бібліятэчны велапрабег “Cycling for libraries – Baltic Star” .
Мерапрыемства арганізавана ў рамках маштабнага міжнароднага праекта “Сycling for libraries,” мэтай якога з’яўляецца абмен прафесійным вопытам і прыцягненне ўвагі грамадства да бібліятэк і чытання.
Групы бібліятэкараў (па 20–25 чалавек у кожнай) 14 чэрвеня адначасова стартавалі на веласіпедах з Літвы, Латвіі, Расіі і Беларусі ў напрамку да Каўнаса (Літва), дзе сустрэнуцца 19 чэрвеня для правядзення двухдзённай канферэнцыі.
Міжнародны бібліятэчны велапрабег праводзіцца штогод з 2011 г. Беларускія бібліятэкары двойчы бралі ўдзел у праекце ў складзе замежных груп. Сёлета Беларусь упершыню выступае арганізатарам самастойнага маршруту, у чым заслуга грамадскага аб’яднання “Беларуская бібліятэчная асацыяцыя”.
Група, якая стартавала з Мінска, аб’яднала 12 беларускіх бібліятэкараў і 13 замежных (з Расіі, Германіі, Даніі, Швецыі, Латвіі і Фінляндыі).
Тэлефон для даведак: (8 017) 293 27 56.
Е-mail: pr@nlb.by
 |
 |
 |
 |
 |
Чытайце таксама:
