ГалоўнаяНавіныНавіны Нацыянальнай бібліятэкі Беларусі
Пралітае святло на таямніцы Лошыцкай сядзібы
«Мой першы крытык – сын». Пісьменніца Кацярына Хадасевіч-Лісавая расказала, як стварае свае казкі

Беларуская дэлегацыя на Усерасійскім бібліятэчным кангрэсе

Беларуская дэлегацыя на Усерасійскім бібліятэчным кангрэсе
Іншыя навіны

11–17 мая адбыўся Усерасійскі бібліятэчны кангрэс: XXIV Штогадовая канферэнцыя Расійскай бібліятэчнай асацыяцыі “Канцэпцыя развіцця і стратэгічныя задачы бібліятэчнай справы ў Расіі”.

Мерапрыемства прайшло ў г. Туле – бібліятэчнай сталіцы Расіі 2019 года. Кангрэс аб’яднаў больш за тысячу ўдзельнікаў – прадстаўнікоў органаў дзяржаўнага кіравання, спецыялістаў бібліятэк, музеяў, архіваў, навукова-даследчых арганізацый, адукацыйных устаноў, вытворцаў інфармацыйнай прадукцыі з Расіі, Арменіі, Беларусі, Казахстана, Кіргізіі і Чэхіі.

Рэспубліку Беларусь на мерапрыемстве прадставілі загадчыца навукова-даследчага аддзела бібліятэказнаўства Нацыянальнай бібліятэкі Беларусі Марына Пшыбытка і дырэктар Гомельскай абласной універсальнай бібліятэкі імя У.І. Леніна Марына Рафеева.

У рамках кангрэса было арганізавана больш за 50 розных па фармаце і тэматыцы мерапрыемстваў, сярод якіх асаблівую цікавасць выклікала пасяджэнне круглага стала “Бібліятэка як агульнадаступнае інтэлектуальнае асяроддзе i пляцоўка для міжкультурнай камунікацыі. Сусветныя практыкі”. Падчас яго працы Марына Пшыбытка пазнаёміла прысутных з арганізацыяй бібліятэчнага абслугоўвання ў Рэспубліцы Беларусь, асвятліла яркія праекты, якія ажыццяўляюцца ў нашай краіне бібліятэкамі розных ведамстваў.

На дыскусійнай пляцоўцы “Бібліятэчныя асацыяцыі свету” прадстаўнікі краін СНД прапанавалі вынікі SWOT-аналізу дзейнасці сваіх асацыяцый і акрэслілі перспектывы іх развіцця. Беларускую бібліятэчную асацыяцыю прадставіла Марына Рафеева.

Па выніках сустрэчы прадстаўнікі краін СНД падпісалі “Тульскую дэкларацыю”, дзе пералічаны місія, мэта і задачы бібліятэчных асацыяцый свету.

Матэрыял прадастаўлены навукова-даследчым аддзелам бібліятэказнаўства.

Навіны

Семінар віртуальнай чытальнай залы ў Брэсцкім дзяржаўным тэхнічным універсітэце

28 Лют 2020

27 лютага ў Брэсцкім дзяржаўным тэхнічным універсітэце прайшоў семінар “Выкарыстанне рэсурсаў віртуальнай чытальнай залы Нацыянальнай бібліятэкі Беларусі пры стварэнні інавацыйнага навукова-адукацыйнага асяроддзя ВНУ”.

Навіны Нацыянальнай бібліятэкі Беларусі

Семінары віртуальнай чытальнай залы ў Нацыянальнай акадэміі навук Беларусі

28 Лют 2020

27 лютага серыя семінараў віртуальнай чытальнай залы па прадстаўленні электронных рэсурсаў працягнулася ў Нацыянальнай акадэміі навук Беларусі.

Навіны Нацыянальнай бібліятэкі Беларусі

Магчымасці выкарыстання віртуальнай чытальнай залы Нацыянальнай бібліятэкі прадстаўлены ў Брэсцкім дзяржаўным універсітэце

27 Лют 2020

26 лютага ў Брэсцкім дзяржаўным універсітэце імя А.С. Пушкіна прайшоў семінар "Сучасныя падыходы да павышэння эфектыўнасці інфармацыйнага забеспячэння навуковай і адукацыйнай дзейнасці".

Навіны Нацыянальнай бібліятэкі Беларусі

Семінар віртуальнай чытальнай залы Нацыянальнай бібліятэкі Беларусі ў Беларускім дзяржаўным універсітэце

27 Лют 2020

26 лютага ў Беларускім дзяржаўным універсітэце прайшоў семінар “Публікацыйная стратэгія вучонага”. Мерапрыемства было арганізавана БДУ сумесна з Нацыянальнай бібліятэкай Беларусі і кампаніяй Clarivate Analytics.

Навіны Нацыянальнай бібліятэкі Беларусі

Лекцыя “Ад «Маладняка» да «Маладосці»”

27 Лют 2020

26 лютага на факультэце сацыякультурных камунікацый Беларускага дзяржаўнага ўніверсітэта пры кафедры тэорыі і практыкі перакладу ў рамках рэспубліканскага праекта “На хвалі часу, у плыні жыцця” адбылася лекцыя “Ад «Маладняка» да «Маладосці»”.

Навіны Нацыянальнай бібліятэкі Беларусі

Эпізоды мастацкага жыцця Віцебска на старонках газет

27 Лют 2020

Пры ўсіх неадназначных працэсах, якія адбываліся на тэрыторыі Беларусі ў палітычнай, духоўнай і культурнай сферах у 1917–1922 гг., ішлі станаўленне беларускага нацыянальнага выяўленчага мастацтва і фарміраванне шматнацыянальнай групы мастакоў.

Праект “Сведкі эпохі: Беларусь на старонках газет 100-гадовай даўніны”

111