13 чэрвеня падчас працы Рэспубліканскай школы дырэктараў бібліятэк у Оршы Нацыянальная бібліятэка Беларусі перадала ў фонды бібліятэк Аршанскай цэнтралізаванай бібліятэчнай сістэмы больш за 700 выданняў мастацкай, энцыклапедычнай, даведачнай, навукова-папулярнай, навучальнай і іншай літаратуры.
Мерапрыемства прайшло ў рамках дабрачыннай акцыі “Чытанне – прастора інфармацыі і ведаў”, якую Нацыянальная бібліятэка Беларусі праводзіць на працягу 2019 года.
Дзякуючы ініцыятыве Нацыянальнай бібліятэкі Беларусі яшчэ дзве ўстановы Аршанскага рэгіёна папоўнілі свае фонды – бібліятэка гімназіі № 2 г. Орша і папраўчай калоніі № 12 для ўтрымання і лячэння асуджаных, хворых на актыўную форму туберкулёзу ўпраўлення Дэпартамента выканання пакаранняў МУС па Віцебскай вобласці.
Дабрачынная акцыя працягваецца. Далучайцеся!
Матэрыял прадастаўлены навукова-даследчым аддзелам бібліятэказнаўства.