ГалоўнаяНавіныКніжныя выстаўкі
Аршанская ЦБС атрымала ў дар сотні выданняў
Гамеапатычным метадам раскрываюць тып Элізы Ажэшкі

Моцарт Елісейскіх палёў

Моцарт Елісейскіх палёў
Іншыя навіны

З 13 чэрвеня па 13 жніўня ў зале нотных і аўдыявізуальных дакументаў (пам. 305) праходзіць выстаўка “Моцарт Елісейскіх палёў”, прысвечаная 200-годдзю з дня нараджэння французскага кампазітара, тэатральнага дырыжора, віяланчэліста Жака Афенбаха.

Жак Афенбах (1819–1880) быў адным з самых адораных кампазітараў XIX стагоддзя. Толькі працаваў ён зусім у іншым жанры, чым кампазітары таго перыяду. Гэта быў бліскучы музычны фельетаніст, сатырык-буф, імправізатар, музычны трансфарматар і прэстыдзіжытатар, які бездакорна ведаў патрабаванні і густы сваёй публікі, але ў той жа час ўмеў захаваць уласную творчую індывідуальнасць.

Музыка кампазітара падкупляе прастатой і празрыстасцю. Ён пазбягаў усяго складанага і рафінаванага. Нездарма Афенбаха называлі “Моцартам Елісейскіх палёў”, параўноўваючы з вялікім аўстрыйскім музыкантам па лёгкасці і вытанчанасці стылю.

Афенбах з’яўляецца родапачынальнікам аперэты ў Францыі, гэты жанр і стаў галоўным у яго творчасці. Асноўную частку экспазіцыі займае калекцыя нот твораў кампазітара, сярод якіх шматлікія пералажэнні для розных інструментаў, якія гавораць аб папулярнасці музыкі Афенбаха. З імі пазнаёмяць зборнікі “Классика на ударных” для ансамбля ўдарных інструментаў, “От Баха до Оффенбаха” для баяна і акардэона, “Нотный альбом” для скрыпкі і фартэпіяна, “Отрывки из оперетт зарубежных авторов” для сяміструннай гітары, “Популярная музыка” для ансамбля рускіх народных інструментаў, “Любимые мелодии” і “В городском саду” для духавога аркестра, а таксама нотныя выданні для фартэпіяна, шасціструннай гітары і многія іншыя.

Не менш цікавыя прадстаўленыя на выстаўцы аўдыядакументы: “Жак Афенбах” з серыі “Залатая калекцыя”, опера “Казкі Гофмана”, оперы-буф “Чароўная Алена” і “Перыкола”, опера-феерыя “Арфей у пекле”, опера-комік “Рабінзон Круза” і іншыя.

Экспазіцыю дапаўняюць кнігі і артыкулы з перыядычных выданняў, якія дазваляюць больш поўна вывучыць жыццё і творчасць французскага майстра.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 52.

Матэрыял прадастаўлены аддзелам абслугоўвання спецыялізаванымі фондамі.

Навіны

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

Мой чытацкі спіс: навошта ім дзяліцца і ў чым наогул сэнс

28 Ліп 2021

У эпоху Інтэрнэту ўсё наша жыццё навідавоку. Фотаздымкі з паездак, душэўныя пасты ў сацсетках, нататкі пра хобі і любімыя фільмы хутка становяцца здабыткам грамадскасці – і нават чытанне. Што прымушае нас весці свае чытацкія дзённікі? Пахвальба, жаданне самасцвердзіцца ці проста прага да самавыяўлення? Давайце разбірацца – у спісах, кнігах і саміх сабе.

Аўтарскі погляд

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Садовае чараўніцтва: як Сесіль Мэры Баркер і кветкавыя феі змянілі кніжную ілюстрацыю

23 Ліп 2021

Вы калі-небудзь звярталі ўвагу, якія добрыя ілюстрацыі ў дзіцячых кнігах? Яны лёгкія, пяшчотныя, прыемныя воку і сэрцу – адно задавальненне... Праўда, мы зусім не ўспрымаем іх усур'ёз. У рэшце рэшт, гэта ж для дзяцей, а значыць, там шмат спрашчэнняў, умоўнасцей і зусім ніякай сур'ёзнасці, так? А вось і не. Кніжная ілюстрацыя можа быць сур'ёзнай, дакладнай і нават цалкам навуковай – не губляючы пры гэтым свайго чараўніцтва. Сёння мы пагаворым пра Сесіль Мэры Баркер, сапраўдную каралеву кветкавых фей, і пра батанічную ілюстрацыю.

Аўтарскі погляд

23 Ліп 2021

Пра бібліяаптэку мы яшчэ пагаворым. А зараз – пра рэчы не менш важныя. Свой першы твор Янка Купала напісаў па-польску, Якуб Колас – па-руску. Але кожны вярнуўся да родных вытокаў. Рашуча і канчаткова. Так бусел вяртаецца з выраю менавіта ў сваю буслянку…

Навіны бібліятэк

Бібліятэкарам