Практычная інструкцыя пад назвай "Приступая к действиям. Реализация норм Марракешского договора для лиц с ограниченными способностями воспринимать печатную информацию" прызначана галоўным чынам для бібліятэкараў у краінах, якія далучыліся да Маракешскага дагавора.
У форме пытанняў і адказаў у дакуменце даюцца тлумачэнні па ўжыванні дагавора ў практыцы бібліятэк.
Інструкцыя прадстаўлена 27 жніўня 2018 года ў Малайзіі на Сусветным бібліятэчным і інфармацыйным кангрэсе Міжнароднай федэрацыі бібліятэчных асацыяцый і ўстаноў (IFLA).
Дакумент падрыхтаваны сумесна з IFLA, Сусветным саюзам сляпых (WBU), кансорцыумам “Электронная інфармацыя для бібліятэк” (EIFL), Канадскай асацыяцыяй навуковых бібліятэк (CARL), універсітэтам Таронта і даступны на рускай, англійскай, французскай і іспанскай мовах.