11 жніўня ў рамках акцыі, ініцыянаванай Міністэрствам культуры Рэспублікі Беларусь, Нацыянальная бібліятэка Беларусі перадала ў фонды Ждановіцкай сельскай бібліятэкі (Мінскі раён) 60 экзэмпляраў найбольш папулярных выданняў.
Сярод іх – мастацкая і навукова-папулярная літаратура, альбомы, атласы і інш. У цырымоніі перадачы кніг узяў удзел міністр культуры Рэспублікі Беларусь П.П. Латушка.
Нацыянальная бібліятэка Беларусі вядзе пастаянную работу па арганізацыі ўнутрырэспубліканскага дакументаабмену і пераразмеркавання дакументаў, у выніку якой штогод каля 200 бібліятэк краіны атрымоўваюць літаратуру з фонда Нацыянальнай бібліятэкі. Так, толькі ў мінулым годзе беларускім бібліятэкам было перададзена больш за 85 000 экзэмпляраў дакументаў.
