Для чытачоў Нацыянальнай бібліятэкі Беларусі адкрыты доступ да біяграфічнай базы даных Prabook.
Prabook – біяграфічная энцыклапедыя на англійскай мове. Як заяўляюць яе стваральнікі (кампанія World Biographical Encyclopedia), яе мэта – не толькі прадставіць артыкулы пра знакамітых людзей, але і даць магчымасць кожнаму жадаючаму напісаць і размясціць уласную біяграфію або біяграфіі значных для яго людзей.
На дадзены момант Prabook змяшчае больш за 3 мільёны артыкулаў, падзеленых па катэгорыях: род дзейнасці, нацыянальнасць, этнічная прыналежнасць, рэлігія, палітычная партыя.
Профілі на сайце змяшчаюць інфармацыю аб адукацыі, кар’еры, дасягненнях, публікацыях і іншыя звесткі, а таксама графічныя матэрыялы.
Доступ для чытачоў Нацыянальнай бібліятэкі Беларусі адкрыты да 31 снежня 2020 г.
Матэрыял прадастаўлены аддзелам карпаратыўнага ўзаемадзеяння.
