Для Нацыянальнай бібліятэкі Беларусі і арганізацый-партнёраў па віртуальнай чытальнай зале адкрыты тэставы доступ да базы даных SPIE Digital Library.
SPIE Digital Library – электронная бібліятэка Міжнароднага таварыства па оптыцы і фатоніцы. SPIE Digital Library забяспечвае доступ да электронных версій кніг і часопісаў па наступных прадметных галінах: оптыка, электраоптыка, астраномія, астранамічная оптыка, біямедыцынская оптыка, медыцынская візуалізацыя, сувязь і інфармацыйныя тэхналогіі, апрацоўка электронных малюнкаў, мікра- і нанатэхналогіі.
Электронная бібліятэка змяшчае поўныя тэксты 120 кніг і 7 часопісаў – больш за 290 000 артыкулаў, апублікаваных з 1990 г. па цяперашні час.
Доступ ажыццяўляецца праз віртуальную чытальную залу Нацыянальнай бібліятэкі Беларусі для карыстальнікаў арганізацый, якія пацвердзілі свой удзел у тэсціраванні рэсурсу.
Доступ да базы даных SPIE Digital Library адкрыты да 15 кастрычніка 2010 г.
