24 верасня а 16-й гадзіне ў галерэі “Панарама” адбудзецца адкрыццё выстаўкі жывапісу “Трыпутнік” Васіля Пяшкуна, Ганны Сілівончык і Марыі Пяшкун.
Трапіць ў атмасферу бесклапотнага і здзейсніць невялікі віртуальны тур па беларускіх месцах запрашае сям'я мастакоў: Васіль Пяшкун, Ганна Сілівончык і іх дачка Марыя Пяшкун.
Васіль – стыпендыят спецыяльнага фонду Прэзідэнта Рэспублікі Беларусь па падтрымцы таленавітай моладзі, удзельнік шматлікіх рэспубліканскіх і міжнародных выставак. На яго рахунку таксама больш за дзесяць персанальных выставак. У 2008 г. мастак узнагароджаны медалём “Талент і прызначэнне” Міжнароднага альянсу “Міратворац”.
Ганна Сілівончык – выпускніца Беларускай дзяржаўнай акадэміі мастацтваў (аддзяленне станкавага жывапісу). У 2008 г. стала членам Беларускага саюза мастакоў. У 2009 г. узнагароджана медалём “Талент і прызначэнне” Міжнароднага альянсу “Міратворац”.
Марыя – юнае дараванне, удзельніца пленэра “У пошуках Атлантыды”, пленэра імя Язэпа Драздовіча, некалькіх выставак па выніках пленэраў, выставачнага праекта “Маша і мядзведзі”.
На выстаўцы аматары жывапісу ўбачаць карціны, створаныя падчас летніх вандровак па Беларусі. Толькі самыя новыя палотны, самыя свежыя ўражанні і фарбы будуць прадстаўлены ў экспазіцыі.
Выстаўка працягнецца да 21 кастрычніка 2015 г.
Тэлефон для даведак: (0 17) 293 28 33, 293 28 23.