2 красавіка ў Нацыянальнай бібліятэцы адбылася ўрачыстая цырымонія падпісання Пагаднення аб супрацоўніцтве з Прэзідэнцкай бібліятэкай імя Б.М. Ельцына, а таксама адкрыццё пункту аддаленага доступу да электроннай чытальнай залы бібліятэкі, прымеркаваныя да Дня яднання народаў Беларусі і Расіі.
Нацыянальную бібліятэку Беларусі і Прэзідэнцкую бібліятэку імя Б.М. Ельцына звязвае шматгадовае супрацоўніцтва: гэта і ўдзел у прафесійных мерапрыемствах, абмен ведамі і паспяховымі практыкамі, рэалізацыя сумесных праектаў.
Галоўная бібліятэка Беларусі як рэспубліканскі інфармацыйны цэнтр, які ўзначальвае сістэму бібліятэчных устаноў краіны, забяспечвае доступ карыстальнікаў да шматлікіх нацыянальных і міжнародных баз даных.
Адкрыццё ў Нацыянальнай бібліятэцы пункту аддаленага доступу да рэсурсаў Прэзідэнцкай бібліятэкі імя Б.М. Ельцына дазволіць пашырыць супрацоўніцтва ў навуковай, адукацыйнай і культурнай сферах.
У мерапрыемстве ўзялі ўдзел генеральны дырэктар Прэзідэнцкай бібліятэкі імя Б.М. Ельцына Юрый Носаў, генеральны дырэктар Нацыянальнай бібліятэкі Беларусі Вадзім Гігін, прадстаўнікі пасольства Расійскай Федэрацыі ў Рэспубліцы Беларусь, Рассупрацоўніцтва.
Глядзіце таксама рэпартаж “Беларусь 1”.
Матэрыял пададзены аддзелам сувязей з грамадскасцю.
