ГалоўнаяНавіныНавіны Нацыянальнай бібліятэкі Беларусі
Візіт дэлегацыі Пагранічнай службы ФСБ Расіі
Унікальныя рарытэты і біблейскія старажытнасці ўпершыню трапяць у Беларусь

Адбыўся выпуск “Клуба кніжных прафесараў”

Адбыўся выпуск “Клуба кніжных прафесараў”
Іншыя навіны

У маі ў музеі кнігі на выстаўцы “Буквары народаў свету” прайшлі заключныя заняткі перад летнімі канікуламі. Адбыліся яны ў рамках праекта “Клуб кніжных прафесараў”.

Падчас заняткаў дзеці пазнаёміліся з гісторыя ўзнікнення першага Буквара і даведаліся, што навучальная кніга пад такой назвай была выдадзена нашымі продкамі 400 гадоў таму.

У музеі “юныя прафесары” мелі магчымасць убачыць частку найвялікшай калекцыі буквароў у свеце – выданні з унікальнага прыватнага кнігазбору латышскага педагога і калекцыянера Юрыса Цыбульса. Кожны буквар – мініяцюрная энцыклапедыя, якая адлюстроўвае веды пра гісторыю і культуру народа. Буквары разнастайныя па мове, графіцы, форме, мастацкім афармленні, складзе і прыёмах навучання.

Дзеці пагарталі беларускія падручнікі для навучання чытанню пачатку ХХ стагоддзя, надрукаваныя на беларускай мове кірылічным і лацінскім шрыфтамі.

“Юныя прафесары” таксама правялі дыспут на тэму "Што больш карыснае: кніга, камп'ютэр альбо тэлевізар?". Выказваліся розныя меркаванні, але кніга перамагла!

Кожны з удзельнікаў паспрабаваў сябе ў якасці мастака-дызайнера і стварыў сваю літару для Буквара. Літары атрымаліся яркія і вясёлыя.

У завяршэнне навучальнага года хлопчыкі і дзяўчынкі былі ўзнагароджаны дыпломамі за ўдзел у занятках “Клуба кніжных прафесараў” і значныя поспехі ў пазнанні беларускай кніжнай культуры.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Лета – час для кніг

19 Чэр 2019

18 чэрвеня ў дзіцячым аздараўленчым лагеры “Зарніца”, размешчаным у маляўнічым месцы Уздзенскага раёна Мінскай вобласці, адбылася выязная віртуальная экскурсія, прысвечаная жыццю і творчасці вядомага класіка беларускай літаратуры і майстра гістарычнага жанру Уладзіміра Караткевіча.

Навіны Нацыянальнай бібліятэкі Беларусі

Валошкі Васіля Быкава: сёння майстру ваеннай прозы споўнілася б 95 гадоў

19 Чэр 2019

Сёння майстру ваеннай прозы Васілю Быкаву споўнiлася б 95 гадоў. Часам праверана: яго творы ўвайшлі ў гісторыю сусветнай літаратуры. Гуманізм, экзістэнцыйны выбар чалавека ў экстрэмальных абставінах, праўдзівае апісанне ваенных падзей – гэта заўсёды будзе актуальна. Давайце ўспомнiм некалькi нечаканых фактаў пра класіка.

Навіны бібліятэк

Гары Потэр не будзе есці дранікі і бабку – перакладчыца пра беларускае выданне знакамітай кнігі

19 Чэр 2019

У інтэрв’ю Алена Пятровіч, перакладчыца першага рамана Джоан Роўлінг, распавядае, чаму вырашыла перакласці “Гары Потэра”, як перапісвалася з праваўладальнікамі і ці будзе абеларушваць тэкст.

Навіны бібліятэк

Цуды побач з намі!

18 Чэр 2019

18 чэрвеня ў музеі кнігі на занятках “Папяровыя цуды” ўдзельнікам было прапанавана абмеркаваць: што будзе больш карысна купіць – кнігу альбо торт; што больш неабходна мець для баўлення часу – кнігу, камп’ютар альбо тэлевізар. Дзеткі знаходзілі ўсе плюсы і мінусы прапанаваных прадметаў, выказваліся, спрачліся і падводзілі вынікі. Трэба адзначыць, што ў гэтых спрэчках кніга перамагла. Удзельнікі прызналі яе карысць і абгрунтавана даказалі.

Навіны Нацыянальнай бібліятэкі Беларусі

111