Нацыянальная бібліятэка Беларусі запрашае азнаёміцца з электронна-інфармацыйнымі рэсурсамі Віцебскай абласной бібліятэкі імя У.І. Леніна напярэдадні яе юбілею.
У Год малой радзімы сваё 90-годдзе адзначае Віцебская абласная бібліятэка імя У.І. Леніна. На працягу ўсіх гэтых гадоў бібліятэка з’яўляецца галоўнай крыніцай інфармацыі і сховішчам культурнай і духоўнай спадчыны рэгіёна.
Карыстальнікі віртуальнай чытальнай залы Нацыянальнай бібліятэкі Беларусі могуць атрымаць аддалены доступ да шматлікіх электронных інфармацыйных рэсурсаў Віцебскай абласной бібліятэкі: баз даных “Афганистан. Без права на забвение”, “Художники Витебщины”, “Віцебскі сшытак” і шматлікіх іншых.
Электронныя рэсурсы Віцебшчыны прадстаўлены таксама на сайце Беларусь у інфармацыйнай прасторы, што дазваляе здзейсніць захапляльнае падарожжа па Прыдзвінскім краі.
Матэрыял прадастаўлены аддзелам карпаратыўнага ўзаемадзеяння.
