13 ліпеня а 17-й гадзіне ў мабільнай галерэі Нацыянальнай бібліятэкі Беларусі адбудзецца адкрыццё фотавыстаўкі “Загадкавы Кітай”.
Работы, прадстаўленыя на выстаўцы, належаць маладой фотамастачцы Лоле Підлускай, ураджэнцы Беларусі, якая з 2001 года жыве ў Кітаі.
Паездкі ў розныя гарады і правінцыі Кітая дапамаглі фотамастачцы пазнаць гэтую далёкую краіну не горш, чым родную Беларусь. Пяць гадоў яна правяла ў Шанхаі і столькі ж на трапічным востраве Хайнань. Частыя падарожжы па востраве, жыццё на ім і любоў да фатаграфіі – усё гэта дазволіла стварыць вялікую калекцыю фатаграфій, з якой можна атрымаць багатую інфармацыю.
Працуе Лола ў розных жанрах фотаздымкі – пейзаж, архітэктурная здымка, анімалістыка, партрэт.
На выстаўцы “Загадкавы Кітай”, якая будзе доўжыцца да 17 верасня, госці змогуць убачыць Паднябесную вачыма таленавітай фотамастачкі, адкрыць для сябе і наблізіць свет далёкага Усходу.