ГалоўнаяНавіныМастацкія выстаўкі
Дар бібліятэцы
Стартавалі заняткі ў “Клубе кніжных прафесараў”

Разнастайнасць культур

Разнастайнасць культур
Іншыя навіны

27 верасня ў бібліятэцы адкрылася выстаўка постэраў “Разнастайнасць культур”, створаных у рамках маштабнай праграмы Германіі па захаванні сусветнай культурнай спадчыны.


Ужо 35 гадоў Федэральнае міністэрства замежных спраў Германіі рэалізуе і фінансуе праграму па захаванні аб’ектаў культурнай спадчыны і ахове культурных каштоўнасцей у розных краінах. Праграма ахоплівае вельмі шырокую сферу дзейнасці – пачынаючы ад рэстаўрацыі насценнага жывапісу ў храмах, захавання і аднаўлення важных збудаванняў, пераводу ў лічбавую форму рукапісаў да навучальных праграм па падрыхтоўцы спецыялістаў сярод мясцовага насельніцтва. У агульнай складанасці з 1981 па 2015 год было аказана садзейнічанне рэалізацыі больш за 2 700 праектаў у 144 краінах.

Ледзь не кожны дзень мы становімся сведкамі бяздумнага і наўмыснага разбурэння аб’ектаў сусветнай спадчыны. Здымкі у навінах, на якіх даводзіцца бачыць знішчэнне помнікаў культуры ў Іраку і Сірыі, выклікаюць шок і з’яўляюцца выразным напамінам пра тое, што ў многіх кутках свету, якія раздзіраюцца крызісам і войнамі, існуе пагроза не толькі бяспекі насельніцтва, але і яго культурнай самабытнасці.

Экспазіцыя “Разнастайнасць культур”, арганізаваная Нацыянальнай бібліятэкай Беларусі і Пасольствам Федэратыўнай Рэспублікі Германіі ў Рэспубліцы Беларусь, уяўляе сабой 30 постэраў аб праектах, ажыццёўленых у дзевяці краінах (Іран, Індыя, Бразілія, Сірыя, Палесцінскія тэрыторыі, М’янма, Марока, Манголія, Малі) з мэтай аднаўлення культурных аб’ектаў. Багата ілюстраваныя і інфарматыўныя постэры распавядаюць пра выратаванне рукапісаў Цімбукту, якія з’яўляюцца часткай сусветнай культурнай спадчыны ЮНЕСКА, аб маштабным аднаўленні базілікі Нараджэння Хрыстова ў Віфлееме, аб працэсе аблічбоўкі старажытнейшых рукапісаў – праект “Архіў Сірыйскай спадчыны”, – якім тэрарысты і марадзёры пагражаюць знішчэннем, і пра многае іншае.

Як адзначыў падчас адкрыцця выстаўкі дырэктар Нацыянальнай бібліятэкі Беларусі Раман Матульскі, нельга пераносіць адказнасць за разбурэнне культурных аб’ектаў на ранейшыя пакаленні, паколькі працэс адбываецца і цяпер, але ў нашых сілах спыніць гэта. "Можа здацца, што кожны асобны чалавек не мае да гэтага ніякага, але разам мы можам зрабіць гэты мір лепшым", – адзначыў ён.

Прывітальнае слова Надзвычайнага і Паўнамоцнага Пасла Федэратыўнай Рэспублікі Германія ў Рэспубліцы Беларусь Петэра Дэтмара зачытала намеснік кіраўніка місіі Ганна Лютэр. У ім пасол падкрэсліў, што аднымі з галоўных задач праектаў, адлюстраваных у экспазіцыі, з’яўляюцца садзейнічанне ўзаемаразуменню і ўзаемапавазе прадстаўнікоў розных культур, ахова культурнай спадчыны і ўмацаванне нацыянальнай ідэнтычнасці народаў свету. "Краіна, у якой аднялі яе ідэнтычнасць, абмежавана ў сваім развіцці", – заключыў пасол у сваім звароце.

Азнаёміцца з экспазіцыяй можна ў галерэі “Ракурс” (2-гі паверх) да 28 кастрычніка 2016 года.

Тэлефоны для даведак: (8 017) 293 27 56, 293 28 33.
Е-mail: pr@nlb.by

Навіны

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

Да 100-годдзя з дня нараджэння Раісы Пятроўны Сімаковай

18 Вер 2020

18 верасня спаўняецца 100 гадоў з дня нараджэння Раісы Пятроўны Сімаковай, ветэрана Нацыянальнай бібліятэкі Беларусі, удзельніцы Вялікай Айчыннай вайны, старшага сяржанта медыцынскай службы, блакадніцы Ленінграда.

Партрэты: гісторыя бібліятэкі ў асобах

17 верасня – 190 гадоў Гродзенскай абласной навуковай бібліятэцы імя Я.Ф. Карскага

17 Вер 2020

У верасні 1830 г. на адной з нарад у гродзенскага генерал-губернатара было прынята рашэнне аб заснаванні ў горадзе Гродна бібліятэкі, якая стала першай публічнай бібліятэкай на сучаснай тэрыторыі Беларусі.

Па старонках беларускага календара

111