ГалоўнаяНавіныНавіны Нацыянальнай бібліятэкі Беларусі
Разнастайнасць культур
Разнастайнасць культур

Стартавалі заняткі ў “Клубе кніжных прафесараў”

Стартавалі заняткі ў “Клубе кніжных прафесараў”
Іншыя навіны

25 верасня ў музеі кнігі адбыліся першыя заняткі “Клуба кніжных прафесараў”.


Серыя “Клуб кніжных прафесараў” уяўляе суцэльны курс і ўключае 9 заняткаў. На працягу навучальнага года дзеці наведваюць бібліятэку кожны месяц. Праграма прадстаўляе цэласную сістэму, арыентаваную на мэтанакіраванае далучэнне дзяцей да бібліятэкі і кніжнай культуры. Гэта серыя накіравана на такія формы работы, якія прадугледжваюць сістэматычныя кантакты з канкрэтнай аўдыторыяй. Папярэдне была праведзена вялікая праца па фарміраванні зборнай групы. З прычыны вялікага попыту былі сфарміраваны дзве групы. Адзін раз у месяц адна група будзе наведваць заняткі па пятніцах, другая – па нядзелях.

Першыя тэматычныя заняткі “Формы і матэрыялы кнігі” былі прысвечаны разнастайнасці рукапіснай кнігі. Дзецям важна было зразумець, што ў старажытныя часы кніга была зусім не падобная да сучаснай. Наведвальнікі дазналіся пра асноўныя формы кнігі, а таксама пра матэрыялы, якія выкарыстоўваліся для пісьма. “Кніжныя прафесары” засвоілі асноўныя тэрміны тэмы: рукапіс, манускрыпт, папірус, пергамен, скрутак, кодэкс, скрыпторый, пратограф і іншыя.

Тэарэтычная частка ўключала: лекцыю-гутарку, альбо дыялог з аўдыторыяй, што з’яўляецца найбольш пашыранай формай актыўнага ўцягвання ўдзельнікаў групы у працэс пазнання; абмеркаванне, што дазваляе ўдзельнікам выказацца, пачуць розныя меркаванні і аргументы, зрабіць аналіз і высновы; гульню-пантаміму, якая не толькі паляпшае настрой групы, аб’ядноўвае яе, але і развівае невербальнае мысленне, і іншыя. Пасля тэарэтычнай часткі дзеці выявілі ў экспазіцыі рукапісныя кнігі і змаглі назваць іх формы і матэрыялы.

Для замацавання тэорыі хлопчыкі і дзяўчынкі выканалі творчае заданне, якое дазволіла праявіць індывідуальныя здольнасці і творча паглядзець на аб’ект пазнання. Яны зрабілі сваімі рукамі “бамбукавы скрутак” з кардона і нітак. Тэкст на планачках пісалі вертыкальна, зверху ўніз.

Дзеці праяўлялі актыўнасць, інтарэс, кемлівасць, вынаходніцтва, настойлівасць, адкрыта дзяліліся сваімі ведамі і ўражаннямі.

 

Навіны

Выкладчыкі раяць: што чытаць, каб не забыць сваю англійскую, нямецкую і нават чэшскую мову

24 Ліс 2017

У сучасным свеце без ведання замежных моў не абысціся. Але колькі б намаганняў мы ні прыкладалі вывучаючы мовы, наша памяць з часам бязлітасна пазбаўляецца ад усяго слоўнікавага запасу, варта хоць на месяц перастаць практыкавацца. Дык што ж рабіць? Адказ: чытаць, вядома. Выкладчыкі моўнай школы LinguaLand склалі для вас выдатную падборку кніг, якія не толькі падтрымаюць ваш узровень ведаў, але і захопяць самой гісторыяй. Так што хапайце слоўнікі і свае чытацкія білеты: мы ідзём вучыцца!

Аўтарскі погляд

24 лістапада спаўняецца 80 гадоў Тамары Канстанцінаўне Радзевіч, ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы

24 Ліс 2020

Тамара Канстанцінаўна нарадзілася ў горадзе Мінску ў сям'і служачага. Калі пачалася Вялікая Айчынная вайна, бацька Тамары пайшоў на фронт, а маці з сям’ёй вымушана была эвакуіравацца на Урал. Як і многія жыхары Беларусі, дзяўчынка перажыла ўсе жахі вайны.

Партрэты: гісторыя бібліятэкі ў асобах

21 лістапада спаўняецца 115 гадоў з дня нараджэння Фёдара Уладзіміравіча Сцепанюка, дырэктара Нацыянальнай бібліятэкі Беларусі з 1961 па 1968 год

21 Ліс 2020

Нарадзіўся Фёдар Уладзіміравіч у 1905 г. у в. Чэрск Брэсцкага раёна Беларускай ССР. Падчас Першай сусветнай вайны ў 1915 г. ён з бацькамі пераехаў у с. Яфімаўка Бузулукскага павета Самарскай губерні. Там ужо з 11-гадовага ўзросту Фёдар на працягу 5 гадоў працаваў пастухом па найму.

Партрэты: гісторыя бібліятэкі ў асобах

111