15 лютага 2007 года адбылося адкрыццё Дзён грэчаскай культуры
Арганізатарамі мерапрыемства выступілі Нацыянальная бібліятэка Беларусі, Беларускае грамадскае аб’яднанне грэкаў “Пелапанес” і Рэспубліканскі цэнтр нацыянальных культур.
Дні грэчаскай культуры, якія праводзяцца Беларускім грамадскім аб’яднаннем грэкаў “Пелапанес”, сталі традыцыйным культурным мерапрыемствам Беларусі і праводзяцца ў пяты раз. У рамках мерапрыемства праходзяць кніжна-ілюстрацыйная выстаўка, выстаўка карцін мастакоў Ірыны Гілеп і Паўла Дзімітрыядзі, а таксама фотавыстаўка.
Беларускае грамадскае аб’яднанне грэкаў “Пелапанес” перадало ў дар Нацыянальнай бібліятэцы Беларусі падборку са 100 кніг.
На мерапрыемстве выступілі намеснік міністра культуры Рэспублікі Беларусь Гедройц У.К., дырэктар Нацыянальнай бібліятэкі Беларусі Матульскі Р.С., Старшыня Савета БГАГ “Пелапанес”Дзяльянаў Р.Н. і іншыя афіцыйныя асобы.
Мерапрыемства завяршылася выступленнем танцавальнага калектыву “Вясна” Магілёўскай дзяржаўнай гімназіі-каледжа мастацтваў і лаўрэата трох усебеларускіх фестываляў нацыянальных культур Арцёма Ахпаша.
 |
 |
 |
