21 сакавіка ў Нацыянальнай бібліятэцы Беларусі адкрылася выстаўка вядомага літоўскага фатографа Кястуціса Стошкуса “Вільнюс. Фатаграфіі старога горада” , на якой прадстаўлены больш за 40 прац аўтара
Арганізатарам мерапрыемства выступіла Пасольства Літоўскай Рэспублікі ў Рэспубліцы Беларусь.
Кястуціс Стошкус супрацоўнічае з асноўнымі выдавецтвамі Літвы. Яго фатаграфіямі ілюстравана нямала мастацкіх альбомаў, выставачных каталогаў, часопісаў мастацтваў, календароў і іншых выданняў рознага характару. Стошкус з'яўляецца членам Саюза літоўскіх фотамастакоў.
Гасцей выстаўкі прывіталі Пасол Літоўскай Рэспублікі ў Рэспубліцы Беларусь Эдмінас Багдонас, намеснік міністра культуры Рэспублікі Беларусь У.К. Гедройц і дырэктар Нацыянальнай бібліятэкі Беларусі Р.С. Матульскі.
Выстаўка будзе працаваць да 4 красавіка.