З 5 па 27 сакавіка 2020 года запрашаем на выставу “Ёсць у сакавіку дзень асаблівы...” ў чытальнай зале аддзела міжбібліятэчнага абанемента і дастаўкі дакументаў (пам. 164).
Вясна – любімая пара для многіх. Дні становяцца даўжэйшымі, прырода абуджаецца ад зімовага сну, усюды чуваць спевы птушак. Неба, на якое цэлую зіму не падымаліся погляды, зноў становіцца яркім, блакітным і бясконца бяздонным. Сонца грэе ласкава і заклікальна. Надыход вясны напаўняе паветра водарам кахання, надзеі і свята.
Якраз у гэты акрыляючы час мы адзначаем Міжнародны жаночы дзень. 8 сакавіка – адно з самых рамантычных і прыемных свят года. Мужчыны ўсімі сіламі імкнуцца парадаваць чароўную палову чалавецтва, паўсюль чутны кампліменты, а вуліцы, нібы цудоўныя аранжарэі, напоўнены мноствам кветак. Віншаванні гучаць у адрас мам, сясцёр, бабуль, дачок!
На кніжнай выставе “Ёсць у сакавіку дзень асаблівы...” увазе наведвальнікаў прадстаўлены кнігі і паштоўкі з фондаў Нацыянальнай бібліятэкі Беларусі, прысвечаныя Міжнароднаму жаночаму дню.
Час работы выставы:
пн. – чт. 10.00–19.00,
пт. 10.00–18.00,
сб., нядз. – выхадны.
Уваход – па чытацкім білеце або білеце сацыякультурнага цэнтра.
Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.
Матэрыял прадастаўлены аддзелам міжбібліятэчнага абанемента і дастаўкі дакументаў.
