ГалоўнаяНавіныКніжныя выстаўкі
У Мінску ўпершыню прадставілі інскрыпты Васіля Быкава з прыватных калекцый
Музыка падсвядомасці

Ёга для міру і гармоніі

Ёга для міру і гармоніі
Іншыя навіны

З 12 чэрвеня па 30 ліпеня ў зале дакументаў міжнародных арганізацый (пам. 207g) адкрыта тэматычная выстаўка “Ёга для міру і гармоніі”, прысвечаная Міжнароднаму дню ёгі.

Гэты Дзень быў заснаваны рашэннем 69-й сесіі Генеральнай асамблеі ААН (рэзалюцыя A/RES/69/131) 11 снежня 2014 года і штогод адзначаецца 21 чэрвеня пачынаючы з 2015 года.

Праект рэзалюцыі аб заснаванні Міжнароднага дня ёгі быў прапанаваны Індыяй і ўхвалены рэкорднай колькасцю галасоў – “за” прагаласавалі ўсе 175 дзяржаў, прадстаўленых на Генеральнай асамблеі.

Такая аднагалосная падтрымка абумоўлена прызнаннем карысці, якую нясе і культывуе вучэнне ёгі, для фізічнага і псіхалагічнага здароўя, што ва ўмовах сучаснага свету з яго вялікімі нагрузкамі на псіхаэмацыйную прыроду чалавека адыгрывае немалаважную ролю.

У рэзалюцыі адзначалася, што здароўе насельніцтва свету – доўгатэрміновая задача развіцця, якая патрабуе больш цеснага міжнароднага супрацоўніцтва для паляпшэння ладу жыцця людзей. Рэзалюцыяй таксама прызнавалася, што ёга забяспечвае комплексны падыход да здароўя і дабрабыту насельніцтва.

Абвяшчаючы Міжнародны дзень ёгі, Генасамблея падкрэсліла, што практыкуемае гэтым вучэннем імкненне да гармоніі дапамагае пераадольваць стрэс, зніжае агрэсіўнасць і выхоўвае ўзаемапавагу. А гэта ў сваю чаргу спрыяе станаўленню міру як вакол чалавека, так і ўнутры грамадства.

Генасамблея прапанавала ўсім дзяржавам ААН у адпаведнасці з нацыянальнымі традыцыямі адзначаць новы памятны дзень, каб пашырыць веды насельніцтва аб карысці ёгі.

Ёга – гэта старажытная фізічная, псіхічная і духоўная практыка, якая ўзнікла ў Індыі. Слова “ёга” паходзіць ад санскрыцкага кораня ёдж, або йудж, і азначае “злучэнне” або “сувязь”, сімвалізуючы злучэнне цела і свядомасці, свядомасці і душы. Ёга – гэта не толькі комплекс фізічных практыкаванняў, гэта шлях здабыцця гармоніі з сабой, светам і прыродай.

Ёга існуе не адну тысячу гадоў, аднак цікавасць да яе ў Еўропе і Амерыцы ўзнікла толькі ў XIX стагоддзі, а рост папулярнасці гэтага вучэння прыйшоўся на XX стагоддзе. На сённяшні дзень ёга заваявала шырокае прызнанне і практыкуецца ў розных стылях па ўсім свеце. Колькасць прыхільнікаў ёгі працягвае расці. Не застаецца ў баку і Рэспубліка Беларусь, дзе папулярнасць ёгі павялічваецца з кожным годам.

У Міжнародны дзень ёгі ў парках і скверах, прыцягваючы ўвагу людзей, праходзяць адкрытыя заняткі, на якіх майстры тлумачаць правілы выканання практыкаванняў, ладзяцца спаборніцтвы, дэманстрацыі асан. Арганізуюцца семінары, форумы, канферэнцыі, асветніцкія лекцыі.

У Мінску ў Міжнародны дзень ёгі пасольства Індыі арганізуе спартыўнае свята ў Цэнтральным дзіцячым парку імя Горкага. Заняткі вядуць дыпламаваныя спецыялісты з Індыі і прафесійныя інструктары мінскіх школ ёгі. У іх можа ўдзельнічаць любы жадаючы не залежна ад узросту і ўзроўню фізічнай падрыхтоўкі.

Штогадовае святкаванне Міжнароднага дня ёгі стала яшчэ адной датай, калі прыхільнікі гэтага вучэння могуць збірацца, абменьвацца вопытам, праводзіць сумесныя заняткі і майстар-класы.

На выстаўцы прадстаўлена больш за 70 публікацый на рускай і англійскай мовах: кнігі, перыядычныя выданні, брашуры, буклеты.

Экспазіцыя ўключае наступныя тэматычныя раздзелы:

  • Усе пра ёгу: гісторыя, тэорыя, філасофія
  • Ёга для ўсіх: простыя практыкаванні на кожны дзень
  • Ёга і здароўе
  • Мудры: ёга для пальцаў
  • Ёга дыхання, псіхалогія ёгі
  • Ёга і медытацыя

Выстаўка для тых, хто цікавіцца ёгай як метадам духоўнага развіцця і фізічнага ўдасканалення, філасофіяй і псіхалогіяй ёгі, а таксама тым, хто захапляецца рознымі аспектамі практычнай ёгі і здаровым ладам жыцця.

Карысныя спасылкі


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 28.

Матэрыял прадастаўлены аддзелам абслугоўвання афіцыйнымі дакументамі.

Навіны

180 гадоў назад адкрылася Горы-Горацкая земляробчая школа

15 Жні 2020

15 жніўня 1840 г. у маёнтку Горы-Горкі Магілёўскай губерні была ўрачыста адкрыта земляробчая школа, пазней ператвораная ў земляробчы інстытут – папярэднік сучаснай Беларускай дзяржаўнай сельскагаспадарчай акадэміі.

Па старонках беларускага календара

Набокаў і прапаганда

15 Жні 2020

З Набокавым – няпроста.
Гэта я зразумела, калі размаўляла з адным са знаёмых, які мае вельмі ўскоснае дачыненне да літаратуры (і чытання ўвогуле).

Аўтарскі погляд

Кнігі пра нашу краіну перададзены ў Лондан

14 Жні 2020

Нацыянальная бібліятэка Беларусі працягвае дабрачынную акцыю “Пра Беларусь – беларусам замежжа”, якая садзейнічае распаўсюджванню інфармацыі пра нашу краіну, папулярызацыі інфармацыйных рэсурсаў, якія адлюстроўваюць багацце яе гісторыка-культурнай і прыроднай спадчыны, а таксама пашырэнню інфармацыйнага ўзаемадзеяння з аб'яднаннямі беларускай дыяспары ў замежных краінах.

Навіны Нацыянальнай бібліятэкі Беларусі

Пра культурную спадчыну нашай краіны – у дакументальным праекце АНТ “Беларусь. Сталенне”

13 Жні 2020

Кожная краіна ганарыцца сваімі дасягненнямі. І Беларусь не выключэнне, нашы поспехі – у самых розных галінах. Сёння цікавасць беларусаў да культурнай спадчыны не знікае, а толькі павялічваецца. Мы ганарымся сваім мінулым і духоўнымі дасягненнямі.

Навіны Нацыянальнай бібліятэкі Беларусі

Раман Матульскі: Нам усім неабходна стаяць на традыцыях і каранях талерантнасці, якія замацаваліся ў нашым народзе, на тых духоўных хрысціянскіх і еўрапейскіх каштоўнасцях, на якія на працягу стагоддзяў абапіраліся нашы продкі

13 Жні 2020

Вядомыя дзеячы культуры і мастацтва, сярод якіх і генеральны дырэктар Нацыянальнай бібліятэкі Беларусі Раман Матульскі, заклікаюць беларусаў праявіць мудрасць і талерантнасць.

Навіны Нацыянальнай бібліятэкі Беларусі

Беларускі фальклор і “Век людзей”

13 Жні 2020

З красавіка 2019 года ў літаратурным часопісе “Маладосць” друкуецца фэнтэзійны раман “Век людзей” супрацоўніцы аддзела суправаджэння інтэрнэт-партала НББ Маргарыты Латышкевіч.
Ці варта сёння пісаць фантастыку і дзе карані “Века”? Аўтарка, якая вядзе на партале НББ чытацкі блог, распавяла пра свой вопыт напісання вялікай прозы.

Аўтарскі погляд

Супрацоўнік Нацыянальнай бібліятэкі ўзяў удзел у перадачы тэлеканала “Россия 1”

12 Жні 2020

Андрэй Бараноўскі, галоўны бібліёграф НІА бібліяграфіі Нацыянальнай бібліятэкі Беларусі, гісторык-краязнаўца, аўтар кнігі “Лепельское пехотное училище”, узяў удзел у тэлевізійнай перадачы тэлеканала “Россия 1” з цыкла “Память огненных лет”.

Навіны Нацыянальнай бібліятэкі Беларусі

111