ГалоўнаяНавіныКніжныя выстаўкі
Жыццё дзеля мастацтва
Мангольская нацыянальная бібліятэка прыняла ў дар кніжную спадчыну Францыска Скарыны

“Я вандрую ў стагоддзях”

“Я вандрую ў стагоддзях”
Іншыя Навіны

З 1 па 28 чэрвеня ў зале беларускай літаратуры (пам. 205) праходзіць юбілейная выстаўка “Я вандрую ў стагоддзях”, прымеркаваная да 60-годдзя Таццяны Міхайлаўны Мушынскай.

Журналістыка і балетная крытыка, паэзія і проза, музыка і тэатр – прадстаўленыя ў экспазіцыі матэрыялы раскрываюць шматграннасць асобы беларускай пісьменніцы і тэатральнага крытыка, яе разнастайныя творчыя інтарэсы і захапленні.

Выстаўка знаёміць з кнігамі Таццяны Мушынскай, прысвечанымі беларускаму балету. Сярод іх – “Гармония дуэта” пра народных артыстаў Беларусі Людмілу Бржазоўскую і Юрыя Траяна, кніга творчых партрэтаў вядучых беларускіх танцоўшчыкаў “Гаркавы смак ісціны”, альбом пра беларускага балетмайстра “Валентин Елизарьев”. Акрамя гэтага, на экспазіцыйных паліцах – лібрэта “Чорная дама Нясвіжа” і “Доктор Айболит”, а таксама шматлікія публікацыі па харэаграфіі, музыцы, тэатры ў беларускіх часопісах “Мастацтва” і “Партер”. Да ўвагі наведвальнікаў і кніга ўспамінаў народнай артысткі Беларусі Г. Абуховіч “Полвека на сцене”, літаратурны запіс якой зрабіла Таццяна Міхайлаўна.

Т. Мушынская з поспехам працуе і ў жанрах дзіцячай літаратуры. Творы пісьменніцы прасякнуты жаданнем абудзіць у дзяцей фантазію, вобразнасць мыслення, даць ім урокі прыстойнасці і сумленнасці. Апавяданні, казкі і вершы з кніг “Віця Неслух у краіне мурашоў”, “Свята печанай бульбы”, “Вожыкі ў футбол гуляюць”, “Калі тата – Дзед Мароз” і іншых – для дзяцей дашкольнага і малодшага школьнага ўзросту.

Не пакіне абыякавымі аўдыторыю дарослых чытачоў своеасаблівая трылогія Таццяны Мушынскай пра жыццё беларускай творчай інтэлігенцыі: аповесці “Доўгае развітанне”, “Апошняе каханне Дон Жуана” і “Джульета і экстрасэнс”.

Асаблівага прызнання Т. Мушынская дасягнула як лірычная паэтэса. Зацікавяць зборнікі яе вершаў “Я вандрую ў стагоддзях”, “Рабро Адама”, “Сны кахання”, “Души ожиданье. Стихи о любви”. Значная колькасць вершаў Таццяны Міхайлаўны пакладзена на музыку беларускімі кампазітарамі. Нотныя выданні і аўдыядыскі з музычнымі творамі дапаўняюць экспазіцыю.

Час работы выстаўкі адпавядае рэжыму работы бібліятэкі.

Уваход – па чытацкім білеце ці білеце сацыякультурнага цэнтра бібліятэкі.

Тэлефон для даведак: (8 017) 293 27 16.

Навіны

15–30 верасня 1944 года. На шляху да Вялікай Перамогі

24 Вер 2024

Працяг новага праекта Нацыянальнай бібліятэкі Беларусі “Газетныя радкі чытаючы сэрцам. Да 80-годдзя Перамогі савецкага народа ў Вялікай Айчыннай вайне” прысвечаны 80-годдзю Перамогі савецкага народа над нямецка-фашысцкімі захопнікамі ў Вялікай Айчыннай вайне. З канца ліпеня 2024-га па май 2025 г. на партале Нацыянальнай бібліятэкі Беларусі публікуюцца матэрыялы з газет Савецкай Беларусі 1944 года, якія адлюстроўваюць хроніку навін і падзей таго часу.

Праект “Газетныя радкі чытаючы сэрцам. Да 80-годдзя Перамогі савецкага народа ў Вялікай Айчыннай вайне”

Новае выданне твораў Кузьмы Чорнага

24 Вер 2024

18 верасня супрацоўнікі Нацыянальнай бібліятэкі Беларусі ўзялі ўдзел у прэзентацыі другога тома Збору твораў Кузьмы Чорнага, якое адбылося ў Інстытуце літаратуразнаўства імя Янкі Купалы Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.

Да 100-годдзя літаб'яднання "Маладняк"

Зала дакументаў па мастацтве прапануе: рубрыка “Паштоўкі і плакаты з фондаў Нацыянальнай бібліятэкі Беларусі”

22 Вер 2024

Кожны дзень, праходзячы па калідорах бібліятэкі, мы і нашы чытачы любуемся творамі беларускіх жывапісцаў, скульптараў, майстроў дэкаратыўна-прыкладнога мастацтва.

Зала дакументаў па мастацтве прапануе...

У бібліятэцы абмеркавалі міжнародныя стандарты і выбарчы працэс

20 Вер 2024

19–20 верасня ў Нацыянальнай бібліятэцы Беларусі адбылася Міжнародная навукова-практычная канферэнцыя “Міжнародныя стандарты і выбарчы працэс: вопыт і перспектывы развіцця”.

Навіны Нацыянальнай бібліятэкі Беларусі

“«Песняры»: малітва галасоў і сэрцаў”: бібліятэка стварае новы віртуальны праект

20 Вер 2024

У гэтым годзе адзначаецца 55-годдзе з часу заснавання Беларускага дзяржаўнага ансамбля “Песняры” – легендарнага гурта, любімага мільёнамі слухачоў у розных краінах свету.

Навіны Нацыянальнай бібліятэкі Беларусі

Бібліятэкарам