ГалоўнаяНавіныКніжныя выстаўкі
Прапануем паслугі нашага інтэрнэт-магазіна
“Я вандрую ў стагоддзях”

Жыццё дзеля мастацтва

Жыццё дзеля мастацтва
Іншыя навіны

З 1 па 26 чэрвеня ў зале дакументаў па мастацтве (пам. 306) праходзіць кніжна-ілюстрацыйная выстаўка “Жыццё дзеля мастацтва", прысвечаная 170-годдзю з дня нараджэння французскага мастака Поля Гагена.

Жыццё і творчасць Поля Гагена (1848–1903) звязаны настолькі цесна, што немагчыма гаварыць пра яго творы, не звяртаючыся да біяграфіі. Адзін з найбуйнейшых майстроў XIX стагоддзя, які аказаў значны ўплыў на мастацтва XX стагоддзя, да 25 гадоў і не думаў пра тое, што стане мастаком. Дзеля жадання стаць жывапісцам ён ахвяраваў сваёй кар'ерай паспяховага фінансіста і сямейным дабрабытам.

Пачаўшы свой творчы шлях як імпрэсіяніст, Поль Гаген шукае новыя метады і сродкі, з дапамогай якіх выражае сваё адчуванне таго, што ляжыць за межамі бачнага. Гладкае накладанне фарбы буйнымі плоскасцямі чыстага колеру, ясная лінія, якая выразна прамалёўвае контур прадмета, становяцца характэрнай асаблівасцю творчага метаду мастака. Прадстаўленыя на выстаўцы рэпрадукцыі карцін “Садавіна і плады”, “Кафэ ў Арле” даюць яснае ўяўленне пра гэты новы напрамак творчых пошукаў жывапісца.

Але цалкам талент Гагена і своеасаблівасць яго творчасці раскрываюцца на далёкіх астравах Акіяніі, куды ён бяжыць з Еўропы ў надзеі знайсці ўвасабленне сваёй мары аб залатым веку, жыцці ў гармоніі з прыродай і людзьмі. Мары мастака ўвасобіліся ў выдатных карцінах, поўных сонца і яркіх, палаючых фарбаў: “Салодкія мроі”, “Жанчыны на беразе мора”, “Таіцянская пастараль”, “Жонка караля”. Гэтыя і многія іншыя рэпрадукцыі карцін майстра прадстаўлены ў экспазіцыі.

На выстаўцы таксама размешчаны маляўнічыя альбомы па жывапісе імпрэсіянізму і постімпрэсіянізму, а таксама паштоўкі з выявай работ Гагена.

Каштоўнасць экспазіцыі надаюць зборы эпісталярнай і літаратурнай спадчыны мастака – аўтабіяграфічная кніга “Ноа Ноа”, “Прежде и потом”, лісты да жонкі і мастакоў.

Дапаўняюць выстаўку кнігі, прысвечаныя даследаванню біяграфіі і творчасці мастака, такіх аўтарытэтных мастацтвазнаўцаў, як Анры Перушо, П'ер Дэкс, а таксама мастацкая літаратура пра Гагена.

Усяго ў экспазіцыі прадстаўлена больш за 60 дакументаў.

Час работы выстаўкі адпавядае рэжыму работы бібліятэкі.

Уваход на выстаўку – па чытацкім білеце ці білеце сацыякультурнага цэнтра бібліятэкі.

Тэлефон для даведак: (8 017) 293 27 53.


Навіны

Усё не так, як у кнізе! Што не так з экранізацыямі і дзе ў бібліятэцы глядзець кіно

27 Кас 2020

У сучасным кінематографе ўсё менш арыгінальных сцэнарыяў, а экранізацый папулярных кніг – усё больш. Але на самой справе не ўсе з іх удалыя – прынамсі, на наш густ. Што ж не так з экранізацыямі? І чаму мы амаль заўсёды імі незадаволены? Працягнем гутарку пра мастацтва адаптацыі кніжных твораў!

Аўтарскі погляд

Удзельнікам анлайн-конкурсу чытальнікаў “О, Беларусь, мая шыпшына”

27 Кас 2020

З 1 кастрычніка ў межах віртуальнага праекта “На хвалі часу, у плыні жыцця” быў распачаты анлайн-конкурс чытальнікаў, прымеркаваны да 120-годдзя Уладзіміра Дубоўкі. Арганізатарам выступіла Нацыянальная бібліятэка Беларусі сумесна з інфармацыйнымі партнёрамі – часопісамі “Маладосць” і “Бярозка”.

Навіны Нацыянальнай бібліятэкі Беларусі

Размова з адвакатам аб куплі-продажы нерухомасці

26 Кас 2020

23 кастрычніка Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Купля-продаж нерухомасці: як зрабіць правільна”.

Навіны Нацыянальнай бібліятэкі Беларусі

26 Кас 2020

“На хвалі часу, у плыні жыцця” – праект Нацыянальнай бібліятэкі Беларусі, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва, часопіса “Маладосць”.

Навіны бібліятэк

111