З 15 мая па 26 чэрвеня 2009 года ў зале выяўленчых і відэадакументаў (пам. 307) праходзіць кніжна-ілюстрацыйная выстаўка “Усё пачынаецца з сям’і”.
Выстаўка прымеркавана да Міжнароднага дня сям’і, які быў абвешчаны Генеральнай Асамблеяй ААН 15 мая 1993 года. Мэта гэтага свята – звярнуць увагу грамадскасці розных краін на шматлікія праблемы сям’і. Штогод тэма семінара знаходзіць адлюстраванне ў пасланнях генеральнага сакратара ААН.
Сям’я, як асноўны элемент грамадства, была і застаецца захавальніцай чалавечых каштоўнасцяў, культуры і гістарычнай пераемнасці пакаленняў, фактарам стабільнасці і развіцця. Дзякуючы сям’і, умацоўваецца і развіваецца дзяржава, расце дабрабыт народа.
На выстаўцы прадстаўлена больш за 100 дакументаў: альбомы, кнігі, рэпрадукцыі, паштоўкі і плакаты.
Экспазіцыя разлічана на ўсіх чытачоў, якія цікавяцца гісторыяй выяўленчага мастацтва, творчасцю мастакоў розных эпох, у чыіх палотнах адлюстравана тэма сям’і.
Кантактны тэлефон: 293-27-58.