ГалоўнаяНавіныКніжныя выстаўкі
Сучасны турызм: стратэгія развіцця
Настаўнік новага тысячагоддзя

Талент вучонага і даследчыка

Талент вучонага і даследчыка
Іншыя навіны

З 1 па 15 кастрычніка 2008 года ў зале беларускай літаратуры (пам. 205) праходзіць выстаўка "Талент вучонага і даследчыка", прысвечаная 60-годдзю Таццяны Іванаўны Шамякінай, беларускага літаратуразнаўцы, крытыка, перакладчыка.


На выстаўцы экспануецца больш за 70 дакументаў: навуковыя працы, даклады, артыкулы. Гэта як асобныя выданні, так і публікацыі аўтара ў калектыўных зборніках і часопісах.

Літаратурная спадчына Т. Шамякінай прадстаўлена ў раздзеле “Літаратура. Міфалогія. Культура”. Сфера навуковых інтарэсаў даследчыцы шматпланавая і шматгранная. Яна вывучае праблемы сучаснай беларускай прозы, асаблівасці стылю беларускіх пісьменнікаў, іх творчую манеру. У цэнтры ўвагі даследчыцы – творы Я. Коласа, А. Васілевіч, А. Карпюка, І. Пташнікава, М. Стральцова, І. Чыгрынава і інш. Сярод шматлікіх публікацый аўтара – манаграфіі «На лініі перасячэння» (1981), "Беларуская класічная літаратура і міфалогія"(2001).

Т. Шамякіна даследуе беларускую міфалогію ў кантэксце сусветнай, у сувязі з літаратурай і фальклорам. Асноўныя кірункі яе навуковых даследаванняў – міф у шырокім культурным кантэксце, праяўленне міфалагічнай свядомасці, міфалагемы і фальклорныя сімвалы ў беларускай класічнай літаратуры («Міфалогія Беларусі» (2000), "Славянская міфалогія"(2005)). Таццяна Іванаўна плённа працуе над засваеннем міфалагічнай спадчыны еўрапейскіх і азіяцкіх народаў. Вынікам гэтай творчай дзейнасці стала кніга «Кітайскі каляндар і славянскі міфалагічны бестыярыум. Паралелі» (2007).

Т. І. Шамякіна з’яўляецца аўтарам і суаўтарам шэрага падручнікаў і вучэбных дапаможнікаў па беларускай літаратуры для школ з паглыбленым і профільным вывучэннем беларускай літаратуры, ліцэяў, каледжаў, гімназій і ВНУ. Ёю распрацаваны праграмы і дапаможнікі па славянскай міфалогіі для універсітэтаў.

Асобным раздзелам на выстаўцы прадстаўлены пераклады, зробленыя Т. Шамякінай. На рускую мову яна пераклала творы І. Шамякіна «Гандлярка і паэт» (1978), «Вазьму твой боль» (1981), «Залаты медаль» (1982), «Петраград – Брэст» (1985), «Драма» (1989), «Злая зорка» (1997) і іншыя.

Кантактны тэлефон: 293-27-16.

Навіны

Небывалы аншлаг васьмікласнікаў ДУА "Сярэдняя школа № 62 г. Мінска" ў зоне каталогаў і картатэк

26 Кра 2024

23 красавіка для навучэнцаў 8 класа СШ № 62 адбыўся бібліяграфічны ўрок "Брэсцкая крэпасць-герой" з цыкла заняткаў "Пастараемся ж і мы быць дастойнымі іх Вялікай Перамогі", якія рэалізуюцца Нацыянальнай бібліятэкай Беларусі да 80-годдзя Вялікай Перамогі сумесна з упраўленнямі па адукацыі. Мінска.

Навіны Нацыянальнай бібліятэкі Беларусі

Сны aб Беларусі ў Нацыянальнай бібліятэцы

25 Кра 2024

25 красавіка ў бібліятэцы адбылoся адкрыццё выстаўкі “Сны аб Беларусі”, прымеркаванай да 80-годдзя вызвалення Беларусі ад нямецка-фашысцкіх захопнікаў і 85-годдзя з дня нараджэння Васіля Шаранговіча.

Навіны Нацыянальнай бібліятэкі Беларусі

Майстры беларускай культуры. Уладзімір Саўчык

25 Кра 2024

Культурна-асветніцкая акцыя “Майстры беларускай культуры. Уладзімір Саўчык», якая прайшла 23 красавіка, стала працягам святкавання Сусветнага дня кнігі і аўтарскага права ў Нацыянальнай бібліятэцы Беларусі.

Навіны Нацыянальнай бібліятэкі Беларусі

Мінская гарадская канферэнцыя “На фронце і ў тыле: жанчыны Вялікай Айчыннай вайны”

25 Кра 2024

Старшыня пярвічнай арганізацыі грамадскага аб’яднання “Беларускі саюз жанчын” Нацыянальнай бібліятэкі Беларусі Наталля Есіс узяла ўдзел у Мінскай гарадской канферэнцыі “На фронце і ў тыле: жанчыны Вялікай Айчыннай вайны” (19 красавіка), прымеркаванай да знакавай даты – 80-годдзя вызвалення Беларусі ад нямецка-фашысцкіх захопнікаў.

Навіны Нацыянальнай бібліятэкі Беларусі

Адам Шаняўскі і бібліятэчны фонд павятовай школы Нясвіжа (апошняя чвэрць XVIII ст.)

25 Кра 2024

24 красавіка на Міжнароднай навукова-практычнай канферэнцыі “Румянцаўскія чытанні – 2024” у Маскве галоўны бібліёграф аддзела даведачна-інфармацыйнага абслугоўвання Вольга Палунчанка прадставіла даклад “Роля Адама Шаняўскага ў арганізацыі бібліятэчнага фонду Нясвіжскай павятовай школы (апошняя чвэрць XVIII ст.)”.

Навіны Нацыянальнай бібліятэкі Беларусі

Нацыянальная бібліятэка адзначыла Сусветны дзень кнігі і аўтарскага права і Міжнародны дзень інтэлектуальнай уласнасці

24 Кра 2024

23 красавіка ў бібліятэцы адбыўся адукацыйны семінар “Аўтарскае права ва ўмовах лічбавай трансфармацыі”, арганізаваны сумесна з Нацыянальным цэнтрам інтэлектуальнай уласнасці пры ўдзеле юрыдычнага факультэта Беларускага дзяржаўнага ўніверсітэта.

Навіны Нацыянальнай бібліятэкі Беларусі

Бібліятэкарам