З 14 студзеня па 31 сакавіка 2008 года ў зале нотных і аўдыёдакументаў (пам. 305) праходзіць выстаўка "Скрыпач-віртуоз", прысвечаная 330-годдзю з дня нараджэння італьянскага кампазітара Антоніо Вівальдзі (1797-1848).
Імя Антоніо Вівальдзі -кампазітара, скрыпача, дырыжора і педагога - мае сусветную вядомасць. Ён складаў музыку для шматлікіх свецкіх і духоўных канцэртаў. Адначасова пісаў оперы для тэатраў Венецыі, удзельнічаў у іх пастаноўцы. Як скрыпач-віртуоз канцэртаваў у Італіі і іншых еўрапейскіх краінах.
У творчасці А. Вівальдзі найвышэйшага росквіту дасягнуў жанр concerto grosso. Абапіраючыся на дасягненні Арканджэла Карэлі, Вівальдзі ўстанавіў для concerto grosso 3-частковую цыклічную форму, вылучыў віртуозную партыю саліста. Ён стварыў жанр сольнага інструментальнага канцэрта, спрыяў развіццю віртуознай скрыпічнай тэхнікі.
Музычны стыль Антоніо Вівальдзі адрозніваюць меладычнасць, шчодрасць, дынамічнасць і экспрэсіўнасць гучання, празрыстасць аркестравага пісьма, класічная складнасць у спалучэнні з эмацыянальным багаццем. Канцэрты Вівальдзі паслужылі ўзорамі канцэртнага жанру для шматлікіх еўрапейскіх кампазітараў, у тым ліку Іагана Себасцьяна Баха, які пераклаў каля 20 скрыпічных канцэртаў Вівальдзі для клавесіна і аргана. Цыкл "Поры года" - адзін з ранніх узораў праграмнай аркестравай музыкі. Значным з’яўляецца ўклад А. Вівальдзі ў развіццё інструментоўкі - ён першым ужыў габоі, валторны, фаготы і іншыя прылады як самастойныя, а недублетныя. Інструментальны канцэрт Вівальдзі - этап на шляху фармавання класічнай сімфоніі.
На выстаўцы шырока прадстаўлена інструментальная творчасць майстра. Гэта канцэрты: для флейты з аркестрам рэ мінор; для фагота з аркестрам мі мінор; для віяланчэлі і камернага аркестра; "Вяртанне" для альта з фартэпіяна; для аргана рэ мінор і, вядома ж, цыкл "Поры года". Складаная форма прадстаўлена маленькай сімфоніяй для струннага аркестра соль мажор. Вакальная музыка -арыямі з опер "Атон у Віле","Ісціна ў выпрабаваннях”, "Грызэльда","Баязэт "і іншымі. Нараўне з нотнымі выданнямі ў экспазіцыі прадстаўлены фонадакументы, кнігі і артыкулы аб кампазітару.
Кантактны тэлефон 293-27-52
Кантактны тэлефон 293-27-52
 |
 |
 |
 |
 |
 |
