З лекцыяй на гэту тэму выступіў 8 лютага дырэктар Нацыянальнай бібліятэкі Беларусі Р.С. Матульскі ў Санкт-Пецярбургскім фізіка-тэхналагічным навукова-адукацыйным цэнтры Расійскай Акадэміі навук, куды быў запрошаны дырэктарам СПбФТНАЦ РАН, лаўрэатам Нобелеўскай прэміі Ж.І.Алфёравым.
На лекцыі прысутнічалі як навучэнцы, студэнты, аспіранты Цэнтра, так і навуковыя супрацоўнікі, выкладчыкі, акадэмікі РАН. Лекцыя выклікала жывую цікавасць у слухачоў.
Санкт-Пецярбургскі фізіка-тэхналагічны навукова-адукацыйны цэнтр Расійскай Акадэміі навук з’яўляецца унікальнай установай, у структуру якой уваходзяць як навуковыя, так і адукацыйныя падраздзяленні, у т.л. ліцэй "Фізіка-тэхнічная школа", дзе навучаюцца адораныя дзеці. СПбФТНАЦ РАН ажыццяўляе сваю навуковую і адукацыйную дзейнасць у супрацоўніцтве з Фізіка-тэхнічным інстытутам імя А.Ф. Іофе РАН, Навукова-тэхналагічным цэнтрам мікраэлектронікі РАН, Акадэмічным фізіка-тэхналагічным універсітэтам РАН, Санкт-Пецярбургскім дзяржаўным політэхнічным універсітэтам, Санкт-Пецярбургскім дзяржаўным электратэхнічным універсітэтам і інш.
Лекторый СПбФТНАЦ РАН існуе з восені 1999 г. За гэты час вядучымі навукоўцамі і грамадскімі дзеячамі Расіі супрацоўнікам, студэнтам і навучэнцам Цэнтра прачытана больш за 100 лекцый. У якасці лектараў СПбФТНАЦ РАН выступалі Прэм’ер-міністр Расіі В.С. Чарнамырдзін, акадэмік Я.М.Прымакоў, акадэмік РАПН, прафесар С.П.Капіца, дырэктар Дзяржаўнага Эрмітажа, член-кар. РАН М.Б.Піятроўскі, дырэктар бібліятэкі РАН, акадэмік РАПН В.П.Лявонаў і інш.
З мэтай пашырэння навуковага супрацоўніцтва паміж Расіяй і Беларуссю Ж.І.Алфёравым была выказана прапанова аб правядзенні ў 2009 годзе РАН сумесна з НАН Беларусі на базе НББ міжнароднага семінара лаўрэатаў Нобелеўскай прэміі.
 |
 |
 |
 |
